Eń qymbat qalalar arasynda Almaty, Astana jáne Shymkent kósh bastap tur.
Aqtaýda baspananyń bir sharshy metriniń baǵasy ótken jyly 11,5 paıyzǵa ósip, 301 725 teńgeni quraǵan, dep habarlaıdy Almaty-akshamy.kz Elorda.info saıtyna silteme jasap.
Azattyq Ruhy saıtynyń jazýynsha, odan arzan páterler Qyzylorda men Aqtóbede ornalasqan: bir sharshynyń baǵasy 234 750 jáne 292 025 teńgeni qurady.
Aqtóbede baspana arzan bolǵanmen, ótken jyly qymbattapty. Munda 2022 jyldyń qańtar-jeltoqsan aılary aralyǵynda baǵa 21 paıyzǵa ósken. Byltyr osy ýaqytta páter quny 9,6 mln teńge bolsa, qazir onyń quny 12 mln teńgege jýyq.
Baspana quny qymbattaǵan qalalardyń arasynda ekinshi orynda Semeı tur. Mundaǵy páterler 2,5 mıllıon teńgege ósken.
Úshinshi orynda – Qostanaı. Bul qalada, máselen, bir bólmeli páter 1,8 mln teńgege qymbattapty.
Al baspana jaǵynan eń qymbat qalalar arasynda Almaty, Astana jáne Shymkent kósh bastap tur. 2022 jyldyń aıaǵynda bul qalalarda bir sharshy metriniń quny tıisinshe 698 125 tg, 483 000 tg jáne 425 900 tg bolǵan.