23,7 mln gektarǵa deıin jetkiziledi.
Búgingi Úkimet otyrysynda aýyl sharýashylyǵy mınıstri Aıdarbek Saparov kóktemgi dala jumystarynyń barysy týraly baıandady, dep habarlaıdy aqshamnews.kz
Ol oblys ákimdikteriniń derekteri boıynsha bıyl jalpy egis alqaby 23,7 mln gektardy quraıtynyn, bul ótken jylmen salystyrǵanda 413 myń gektarǵa artyq ekenin atap ótti. Memleket basshysynyń tapsyrmasy boıynsha aýyl sharýashylyǵy daqyldaryn ártaraptandyrý boıynsha júıeli jumys júrgizilýde: nátıjesinde 2 jyl ishinde bıdaı alqaptaryn 750 myń gektarǵa qysqartýǵa qol jetkizildi, al jemshóp jáne maıly daqyldardyń egis alqaptary bıyl 3,3 mln gektarǵa jetedi, bul rette kúnbaǵys alqaby alǵash ret 1,4 mln gektardy quraǵaly otyr.
«Dándi jáne burshaq daqyldaryn 16,6 mln gektarǵa ornalastyrý josparlanýda. Maqta alańy 135 myń gektar bolmaq, onyń ishinde dástúrli ádispen ósiriletin alań 21,4 myń gektarǵa qysqaryp, 85 myń gektardy quraıdy. Bul rette, «Túrkistan» áleýmettik kásipkerlik korporasıasy men qytaılyq Sınszán Lıhýa kompanıasynyń ortaq jobasyn esebinen tamshylatyp sýarylatyn maqta alańy 50 myń gektarǵa ulǵaıady», dep tolyqtyrdy Aıdarbek Saparov.