Qazgıdromet sınoptıkteri aýa raıyna baılanysty eskertý jarıalady, dep habarlaıdy Almaty-akshamy.kz Almaty.tv-ge silteme jasap.
Nur-Sultanda 13 maýsymda kúndiz burshaq jaýýy múmkin. Ońtústik-batystan ekpini sekýndyna 15-20 metr bolatyn jel soǵady.
Aqmola oblysynyń ortalyǵynda, soltústik-batysynda, ońtústik-shyǵysynda qatty jańbyr jaýyp, naızaǵaı oınap, kúndiz burshaq jaýyp, daýyl bolýy múmkin. Ońtústik-batystan soqqan jel soltústik-batysqa aýysady, soltústik-batysta, ońtústik-shyǵysta, oblys ortalyǵynda jel ekpini sekýndyna 15-20 metr bolady.
Qyzylorda oblysynyń soltústiginde naızaǵaı, daýyl bolady. Ońtústik-batystan soqqan jel soltústik-batysqa aýysyp, kúndiz soltústikte jáne oblys ortalyǵynda sekýndyna 15-20 metr jyldamdyqpen soǵady. Tótenshe órt qaýpi saqtalady.
13 maýsymda kúndiz Qaraǵandy oblysynyń batysynda, soltústiginde, shyǵysynda naızaǵaı oınaıdy. Ońtústik-batystan jel soǵady, kúndiz oblystyń batysy men soltústiginde jel ekpini sekýndyna 15-20 metr bolady.
Túnde Aqtóbe oblysynyń shyǵysynda, ortalyǵynda, kúndiz ońtústiginde naızaǵaı oınaıdy. Túnde oblys ortalyǵynda tuman túsedi.
Shyǵys Qazaqstan oblysynyń soltústiginde, shyǵysynda naızaǵaı kútiledi. Ońtústik-batystan, batystan jel soǵady, kúndiz oblystyń batysynda jel sekýndyna 15-20 metr jyldamdyqpen soǵady.
Almaty oblysynyń taýly aýdandarynda qatty jańbyr jaýady. Oblystyń batysynda, ońtústiginde, shyǵysynda jáne taýly aımaqtarynda naızaǵaı, burshaq, daýyl bolady. Ońtústik-batystan jel soǵady, ekpini sekýndyna 25 metrge jetedi.
Qostanaı oblysynyń batysy men shyǵysynda naızaǵaı, burshaq bolyp, daýyl soǵady. Soltústik-batystan jel soǵady, kúndiz oblystyń basym bóliginde jel ekpini 25 metr bolady.
Túrkistan oblysynyń taýlarynda qatty jańbyr jaýady. Oblystyń ońtústiginde, batysynda, taýly jáne taý bókterinde naızaǵaı oınap, daýyl turady. Soltústik-batystan soqqan jel ekpini sekýndyna 15-20 metr bolady. 13 maýsymda Shymkentte kún kúrkireıdi.
Tańerteń jáne kúndiz Pavlodar oblysynyń batysy men soltústiginde naızaǵaı bolady. Ońtústik-batystan jel soǵady, kúndiz oblystyń batysynda jel ekpini sekýndyna 15-20 metr bolady.
Soltústik Qazaqstan oblysynyń ońtústiginde, batysynda, shyǵysynda naızaǵaı oınap, daýyl turyp, burshaq jaýady. Túnde jáne tańerteń oblystyń batysynda tuman túsedi. Batystan, ońtústik-batystan soqqan jel kúndiz oblystyń batysynda ekpini 15-20 metrge deıin jetedi.