Bul týraly aqparat jáne qoǵamdyq damý mınıstrliginiń aqparat komıteti habarlady.
Qazaqstanda zańǵa qaıshy 673 ınternet-resýrs pen siltemelerdi taratýǵa shekteý qoıyldy, dep habarlaıdy Almaty-akshamy.kz
Aqparat mınıstrligi respýblıkalyq jáne óńirlik baspa BAQ, telearnalar, otandyq jáne sheteldik resýrstardy baqylap otyrady.
Komıtet Qazaqstan zańnamasynyń talaptaryn saqtaý turǵysynan áleýmettik medıany qosa alǵanda, aqparattyq alańǵa turaqty negizde monıtorıń júrgizetinin atap ótti.
«2022 jylǵy 1-30 sáýir aralyǵynda «Baılanys týraly» zańnyń 41-1 baby 1-1 tarmaǵyna sáıkes ýákiletti organnyń uıǵarymymen 673 ınternet-resýrs pen siltemelerdi taratýǵa shekteý qoıyldy», - delingen habarlamada.
Olardan mynadaı zań buzýshylyqtar anyqtaldy:
ekstremızmdi nasıhattaý – 5;
pornografıa taratý – 133;
esirtki, psıhotroptyq zattardy, olardyń analogtary men prekýrsorlaryn nasıhattaý – 20;
oıyn bıznesi – 272;
jarnama – 24;
ákimshilik quqyqbuzýshylyq – 4;
alaıaqtyq – 197;
balanyń densaýlyǵyna, adamgershilik jáne rýhanı damýyna zıan keltiretin aqparatty ornalastyrý – 18.