Elimizde «OITEK» sáýlet ǵylymı-tájirıbe ortalyǵy quryldy
«Oitek» sáýlet ǵylymı-tájirıbe ortalyǵynyń negizin qalaýshy Qazaqstannyń eńbek sińirgen qaıratkeri, Eltańba avtory, «Sáýlet» kafedrasynyń profesory Jandarbek Málibekuly.
Jańa ortalyq ulttyq naqyshtyń negizinde ózimizdiń zamanaýı sáýlet ónerin qalyptastyrýǵa baǵyttalǵan, dep habarlaıdy Almaty-akshamy.kz
Ol úshin tamyry tereń tartqan dástúrli qala, aýyl, qonystaný mádenıetin zerttep, irgeli teorıalyq jáne tájirıbelik jumystar júrgizý kózdelip otyr. Iaǵnı, el ıgiligi úshin óz qundylyqtarymyzǵa tán qurylystyń jańa arnasyn bastaý. Ortalyq jańa Qazaqstannyń kelbetin kóneniń negizinde jańasha túrlendiretin jańa tolqyn sáýletshilerin shyǵaratyn zerthanaǵa aınalmaq.
«Myńjyldyqtar buryn qurylǵan arhıtektýramyz bar solardy tanystyrý. Balbal tastar, tańbaly tastar, jerasty panteondary bar. Solardyń bárin zerttep, zerdelep jer ústindegi bizdiń eskertishterdiń túgel qaıtadan qalpyna keltirý úshin rekonstrýksıaǵa, restavrasıaǵa mamandar daıarlaýymyz kerek. Sondyqtan jer betindegi Qazaqstandaǵy barlyq eskertkishterin alyp ensıklopedıa múmkin jasap shyǵaramyz. Sondyqtan ózimizdiń qansha tektiligimizdi bile bilsek sonshalyqty alǵa jyljımyz dep oılaımyn», - deıdi Qazaqstannyń Eńbek sińirgen qaıratkeri, eltańba avtory, sáýletshi Jandarbek Málibekuly.
«Bizdiń de tarıhymyzda qala mádenıeti, tamasha-tamasha qalalarymyz bolǵan. Onyń tamasha arhıtektýrasy bolǵan. Onyń bári úzilip qaldy. Sony jalǵastyrý maqsatynda osy aǵamyz – Jandarbek Málibekovtyń laboratorıasy úlken qyzmet atqarady degen oıdamyn. Óıtkeni bizdiń astanamyzǵa jalpy Qazaqstannyń qalalaryna ulttyq naqyshtaǵy arhıtektýra kerek. Bul ǵylym-praktıkalyq ortalyq. Osy jerde bolashaq arhıtektorlar, ásirese ulttyq naqyshqa baılanysty oı-órisin damytý maqsatynda jastardy tárbıeleıtin ortalyq bolady degen oıdamyn», - deıdi L.N. Gýmılev atyndaǵy EUÝ rektory Erlan Sydyqov.