QR Oqý-aǵartý mınıstri jumys saparymen Almatyǵa keldi.
Munda arnaıy jáne ınklúzıvti bilim berý máseleleri boıynsha ǵylymı qoǵamdastyq pen úkimettik emes uıymdardyń ókilderimen kezdesý ótti, dep habarlaıdy Almaty-akshamy.kz Oqý-aǵartý mınıstrligine silteme jasap.
Kezdesý barysynda 2024 jylǵa arnalǵan jumys jospary týraly QR Oqý-aǵartý mınıstrligi arnaıy jáne ınklúzıvti bilim departamentiniń dırektory Laýra Býtabaeva aıtyp berdi. Erekshe bilim berý qajettilikteri bar balalarǵa erte kómek kórsetý maqsatynda búgingi tańda psıhologıalyq-pedagogıkalyq túzetý kabınetteriniń sanyn arttyrý boıynsha jumys júrgizilýde. Qazir elimizde 215 PPTK jumys isteıdi, 2024 jyly qosymsha 9 túzetý kabınetin ashý josparlanýda. Qazirgi kúni mektepterde 700-den astam ınklúzıany qoldaý kabıneti jumys isteıdi, 2024 jyly olardyń sany taǵy 57 birlikke ulǵaıtylatyn bolady. Sonymen qatar, bıyl 14 PMPK ashý josparlanýda.
Dóńgelek ústelde sóz sóılegen QR Oqý-aǵartý mınıstri Ǵanı Beısembaev ınklúzıvti bilim berý júıesin damytý memlekettik saıasattyń basym baǵyttarynyń biri ekenin atap ótti. Bul baǵytty damytýdyń mańyzdylyǵyn túsine otyryp 2023 jyldyń jeltoqsanynda mınıstrlik qurylymynda arnaıy jáne ınklúzıvti bilim departamenti ashyldy.
«Arnaıy bilim ár balamen jeke jumys jasaýdy, ár balaǵa nazar aýdarýdy qajet etedi. Osy maqsatta Ulttyq úzdiksiz ınklúzıvti bilim berý ortalyǵyn iske qosý josparlanýda. Sonymen qatar biz kadrlardy daıarlaý jáne qaıta daıarlaý máselesin qarastyramyz. Sondyqtan pedagogter oqytatyn joǵary oqý oryndarynyń baǵdarlamalaryna «ınklúzıvti bilim berý» modýlin qosý josparlanyp, pedagogter úshin biliktilikti arttyrýdyń jańa kýrstary ázirlenýde», — dedi Ǵanı Beısembaev.
Dóńgelek ústel barysynda ǵylymı qoǵamdastyq ókilderi: pedagogıka ǵylymdarynyń doktory, profesor Roza Súleımenova, dosent, pedagogıka jáne psıhologıa ınstıtýtynyń dırektory, pedagogıka ǵylymdarynyń kandıdaty Ǵalıa Abaeva, sondaı-aq úkimettik emes uıymdardyń basshylary sóz sóıledi. Olardyń qatarynda «Dara» qorynyń «Qazaqstanda ınklúzıvti qoǵam qurý» jobasynyń úılestirýshisi Sáýle Dúısembekova, Bolat Ótemuratov qorynyń dırektory Marat Aıtmaǵambetov te bar.
Shara sońynda QR Oqý-aǵartý mınıstri Ǵanı Beısembaev departament dırektoryna elimizdegi ınklúzıvti bilim berýdi damytýdyń strategıalyq josparyn ázirleýdi tapsyrdy.