Eńbek jáne halyqty áleýmettik qorǵaý mınıstrligi Sıfrlyq damý, ınovasıalar jáne aeroǵarysh ónerkásibi mınıstrligimen birlesip áleýmettik-eńbek salasyndaǵy úsh memlekettik qyzmet kórsetý prosesin avtomattandyrýdy josparlap otyr.
Ol úshin adamı faktordy alyp tastaýdy jáne osy qyzmetterdi kórsetý prosesin avtomattandyrýdy kózdeıtin pılottyq joba iske qosylady. Osylaısha, olardy usyný boıynsha operasıalyq prosester 7 jumys kúninen bir jumys kúnine deıin qysqartylady, dep habarlaıdy aqshamnews.kz.
Jańa tásilmen kórsetiletin qyzmetterdiń qataryna: «Qazaqstannyń Eńbek Epi» ataǵyna ıe bolǵan adamdarǵa arnaýly memlekettik járdemaqy taǵaıyndaý; «Halyq Qaharmany» ataǵyna ıe bolǵan adamdarǵa arnaýly memlekettik járdemaqy taǵaıyndaý; «Jasyna baılanysty beriletin zeınetaqy tólemderine múgedektigi boıynsha tólenetin aılyq járdemaqy mólsherine deıin qosymsha tólem alýshylardy qospaǵanda, jasyna baılanysty beriletin zeınetaqy tólemderi nemese eńbek sińirgen jyldary úshin tólenetin zeınetaqy tólemderi taǵaıyndalǵan birinshi, ekinshi jáne úshinshi toptardaǵy múgedektigi bar adamdarǵa, sondaı-aq Reseı Federasıasynyń zańnamasyna sáıkes múgedektigi boıynsha zeınetaqy alatyn jaǵdaıda Baıqońyr qalasynda turatyn birinshi, ekinshi jáne úshinshi toptaǵy múgedektigi bar adamdarǵa arnaýly memlekettik járdemaqy taǵaıyndaý».
«Smart Data Ukimet» aqparattyq-taldaý júıesi arqyly áleýmettik-eńbek salasynyń keıbir memlekettik qyzmetterin proaktıvti kórsetý jónindegi pılottyq jobany iske qosý týraly» birlesken buıryqtyń jobasy 2024 jylǵy 18 jeltoqsanǵa deıin talqylaý úshin «Ashyq NQA» portalynda ornalastyrylǵan.
Tómendegi silteme boıynsha buıryq jobasymen tanysyp, óz usynystaryńyzdy qaldyra alasyz: https://legalacts.egov.kz/npa/view?id=15324040