İshki naryqta un satylymy 21 paıyzǵa tómendegen.
Un baǵasy jyldyq esepte birden 41 paıyzǵa qymbattaǵan, dep habarlaıdy Almaty-akshamy.kz Energyprom.kz saıtyna silteme jasap.
Jeti aıdyń qorytyndysy boıynsha, Qazaqstanda ishki naryqta un satylymy 21 paıyzǵa tómendep, eksport 25 paıyzǵa ósken.
Dándi daqyldar men ósimdik uny, sondaı-aq, usaq tartylǵan qospalar óndirisi bıyl qańtar men tamyz aralyǵynda 2 mıllıon tonna bolǵan. Bul byltyrmen salystyrǵanda, 0,5 paıyzǵa az. Al odan bir jyl buryn óndiris kólemi 3,8 paıyzǵa tómendegen.
Bul saladaǵy shyǵarylǵan ónimniń 1,9 mıllıon tonnadan astamy bıdaı nemese sýrjık unyna, 138,9 myń tonnasy nan-toqash ónimderin daıyndaýǵa arnalǵan qospaǵa, 7,4 myń tonnasy usaq jáne iri tartylǵan ósimdik unyna ketken.
Bıyl qańtar men shilde aralyǵynda otandyq kompanıalar dándi daqyldardan usaq tartylǵan unǵa suranysty 98,9 paıyzǵa, byltyr 99,6 paıyzǵa qarsy qamtamasyz etken. Bul bir jylda 1,2 paıyzǵa qysqarǵan, al ımport 2,5 ese, biraq tek 18,8 myń tonnaǵa deıin ósken.
Eksport 2022 jylǵy qańtar men shilde aralyǵynda 935,3 myń tonna bolyp, 24,9 paıyzǵa artqan, al ishki naryqta satylym kólemi 20,5 paıyzǵa, 757,5 myń tonnaǵa deıin qysqarǵan.
2022 jylǵy tamyzdyń qorytyndysy boıynsha, un baǵasy bir aıda 4,3 paıyzǵa ósken, bul - 2011 jyldan bastap unnyń aılyq deńgeıde qymbattaýynyń eń joǵary kórsetkishteriniń biri. Sonymen qatar, 2011 jyldan bastap rekord kórsetkish bıylǵy sáýir men mamyrda tirkelgen, ıaǵnı 7,5 paıyz jáne 6,8 paıyz bolǵan.
2011 jyldan bastap 2021 jylǵa deıin un baǵasynyń ortasha aılyq ósimi 0,8 paıyz bolǵan. Bıyl qańtar men tamyz aralyǵynda un aıyna orta eseppen 4 paıyzǵa qymbattaǵan.
Óńirler arasynda, 2022 jylǵy tamyzdyń qorytyndysy boıynsha, un baǵasynyń eń joǵary aılyq ósimi Pavlodar (12,8 paıyzǵa), Jetisý (12,4 paıyzǵa) jáne Batys Qazaqstan (11,9 paıyzǵa) oblystarynda baıqalǵan. Un Aqmola (0,3 paıyzǵa), Aqtóbe (0,6 paıyzǵa) jáne Soltústik Qazaqstan (0,8 paıyzǵa) oblystarynda aıtarlyqtaı qymbattamaǵan.