Balalar jyly aıasynda megapolıste erekshe balalardyń qatysýymen ulttyq ınklúzıvti oıyndar ótip jatyr. «Juldyzaı» sporttyq oıyndary Balýan Sholaq atyndaǵy Sport saraıynda jáne Ortalyq stadıonda 27-30 qyrkúıek aralyǵynda sporttyń 6 túri boıynsha uıymdastyrylýda.
Qatysýshylar mını-fýtbol, golbol, jeńil atletıka, júzý, ústel tenısi sıaqty sport túrlerimen qatar, asyq atý, bes tas syndy ulttyq oıyndardan da synǵa túsedi. Respýblıkalyq spartakıadaǵa elimizdiń barlyq aımaǵynda ótken irikteý jarystarynda top jarǵan balalar qatysýda. İrikteý saıysyna elimizdegi 97 mamandandyrylǵan ınternatta oqıtyn jáne jalpy bilim beretin mektep ustazdarynyń jetekshiligimen úıden bilim alatyn úsh myńǵa jýyq balalar men jasóspirimder qatysty. Nátıjesinde olardyń 310-y respýblıkalyq dodaǵa joldama alǵan.
«Elimizdiń ár aımaǵynan kelgen talantty, shymyr balaqaılarymyzdy osy dodada kórip otyrǵanyma óte qýanyshtymyn. Jas talanttylardyń ómirlerine tek qana sáttilik tileımin. Qazirgi ýaqytta elimizde sportpen aınalysyp jetistikke jetip júrgen jandardy kózimiz shalady. Qandaı jaǵdaıda bolsa da, ózderińizdi jaqsy kórińizder, salaýatty ómir saltyn ustanyńyzdar», – deıdi Qazaqstan Respýblıkasyndaǵy Bala quqyqtary jónindegi ýákil Arýjan Saın.
«Juldyzaı» oıyndary QR Mádenıet jáne sport mınıstrliginiń 2022 jylǵy sporttyq-buqaralyq is-sharalardyń biryńǵaı kúntizbelik josparyna endi. Oıyn jeńimpazdary halyqaralyq jarystarǵa qatysyp, sporttyq razrádtar ala alady.
«Meniń sportpen aınalysyp júrgenime 4 jyldan astam ýaqyt ótipti. Bastapqyda qıynǵa soqty. Denemdi úırete almadym. Qazir oqýym men sportty qatar alyp júremin. Birneshe saıystarǵa qatystym. Ózim oqıtyn mekteptiń atyn aýdanaralyq jarystarda tanytyp júrmin. Maǵan qoldaý bildirip, senim artqan ata-anama, jattyqtyrýshylaryma alǵysymdy bildiremin», – deıdi Asylhan Sherzat esimdi qatysýshy.
Bıyldan bastap «Juldyzaı» ulttyq ınklúzıvti oıyndaryna aınalǵan «Juldyzaı» spartakıadasy elimizdegi erekshe bilim berý qajettilikteri bar 10-18 jas aralyǵyndaǵy balalar men jasóspirimder qatysatyn jalǵyz kásibı sporttyq jarys bolyp tabylady. «Juldyzaı» korporatıvtik qory kóp jyldar boıy erekshe balalardyń ómirin jaqsartýǵa, shyǵarmashylyq jáne sporttyq qabiletterin damytýǵa baǵyttalǵan shyǵarmashylyq, sporttyq, medısınalyq jáne áleýmettik jobalardy júzege asyryp keledi. Salaýatty ómir saltyn qalyptastyrý jáne nasıhattaý, damý múmkindigi shekteýli balalardy sportqa tartý, olardy áleýmettendirý jáne qoǵamǵa ıntegrasıalaý, ınklúzıvti sportty damytý úshin sporttyq ınfraqurylymdy qurý jáne nyǵaıtý bizdiń jastar úshin ınklúzıvti oıyndardy ótkizýdiń negizgi maqsattary bolyp tabylady.
Inklúzıvti oıyndardy ótkizýge QR Ulttyq paralımpıada komıteti, Almaty qalasynyń ákimdigi, Almaty qalasynyń sport basqarmasy, «Sport qory» qory, óńirlerdiń ákimdikteri men sport túrleri boıynsha federasıalar qoldaý kórsetti.
