Sońǵy 3 jylda ulttyq sport túrlerimen júıeli túrde aınalysatyn qazaqstandyqtardyń sany 35% ósken.
Eger 2020 jyly 432 myń adam ulttyq sport túrlerimen aınalyssa, 2022 jyldyń sońynda bul san 584 myń adamǵa jetti, dep habarlaıdy Almaty-akshamy.kz QazAqparatqa silteme jasap.
Eń úlken kórsetkish Túrkistan oblysynda tirkeldi - 28 myń adam. Óńirde barlyǵy 110 myńnan astam adam ulttyq sport túrlerimen aınalysady.
Birden birneshe oblysta sportshylar sany 10 myńǵa ósti.
Bul - Qostanaı (13 myńnan 23 myńǵa deıin), Qyzylorda (20 myńnan 30 myńǵa deıin), Pavlodar (17 myńnan 27 myńǵa deıin), Soltústik Qazaqstan (8 myńnan 18 myńǵa deıin) oblystary jáne Shymkent qalasy (10 myńnan 20 myńǵa deıin).
Ulttyq sportpen aınalysatyndar sany boıynsha kóshbasshylar úshtigine Jambyl (40 myń adam) jáne Almaty (39 myń) oblystary kiredi.
Qazaqstan ulttyq quramasynda sportshylar sany boıynsha Túrkistan (74 adam), Jambyl (52 adam) oblystary jáne Astana qalasy (43 adam) kósh bastap tur.
«Ulttyq sport túrleri tanymaldylyǵynyń artýy — Mádenıet jáne sport mınıstrliginiń ulttyq sportty damytý baǵytyndaǵy júıeli jumysynyń nátıjesi. Árıne, bul iri halyqaralyq týrnırlerdi ótkizý ǵana emes. Mysaly, qajet ınfraqurylym qurylysy júrip jatyr, elimizde 16,5 myńnan astam jańa úıirme ashyldy, qoldanystaǵy jarystardyń formaty ózgerip jatyr»,-deıdi Mádenıet jáne sport vıse-mınıstri Sársen Quranbek.