Ahmet Baıtursynulynyń 150 jyldyq mereıtoıy Qostanaı oblysynda keń kólemde atalyp ótedi dep josparlanyp otyr.
İs-sharalardyń negizgi bóligi saıası qaıratkerdiń týǵan ólkesinde ótedi. Aqkól aýylynda Ahmet Baıtursynulyna jáne Mirjaqyp Dýlatulyna arnalǵan eskertkish ashylady.
Aǵartýshy Ahmet Baıtursynulynyń eńbek joly men ómiri bıyl erekshe nazarda, dep habarlaıdy Almaty-akshamy.kz.
Osy maqsatta, tipti, ekspedısıa da toptastyrylǵan. Ǵalymdar men tarıhshylar Qazaqstan,Reseı jáne Ázirbaıjannyń birneshe oblystarynda bolyp, ondaǵy muraǵattardy zerttep, ult ustazy qyzmet etken mektepter men redaksıalardy aralaıdy. Jobanyń qorytyndysy boıynsha derekti fılm tanystyrylady.
«Ekspedısıanyń qorytyndysyn Ybyraı Altynsarın atyndaǵy mektepte shyǵarǵaly otyrmyz. Sebebi kezinde osy mekteptiń qabyrǵasynda Qostanaı pedagogıkalyq synyby jumys jasaǵan. Atalmysh synypta Ahmet Baıtursynuly qazaq tilinen sabaq bergen edi», - deıdi ekspedısıa jetekshisi Almas Ábsadyq.
Negizgi sharalardyń biri mýzeı-úıdiń ashylýy bolmaq. Osy maqsatta Ahmet Baıtursynuly ómir súrdi degen boljam aıtylyp júrgen úı ornynda jańa ǵımarat salynyp, ol tarıhı eksponattarmen toltyrylady.