Búgin iske qosylǵan týrısik poıyz 2023 jylǵy qańtardyń sońyna deıin júredi
Jańa jyl merekesi qarsańynda elordadan Býrabaıǵa deıin arnaıy týrısik elektr poıyzy iske qosyldy, dep habarlaıdy Almaty-akshamy.kz QazAqparatqa silteme jasap.
Jańa jyl merekesi qarsańynda Astana – Kókshetaý elektr poıyzynyń 2 vagony tańerteń jolǵa shyqty. Sondaı-aq, vagondar ulttyq stılde bezendirilgen.
Jolda Býrabaıǵa toqtaıtyn elektr poıyzy kún saıyn tańǵy saǵat 06:03-te «Nurly jol» vokzalynan shyǵyp, kýrortty aımaqqa saǵat 09:57-de jetedi.
Keri qaraı saǵat 19:15-te attanyp, Astana-1 stansıasyna saǵat 22:18-de, al «Nurly jol» vokzalyna saǵat 23:00-de keledi.
«Merekelik poıyz jobasyn «Qazaqstan temir joly» ulttyq kompanıasymen birlesip júzege asyryp jatyrmyz. Naýryz merekesi qarsańynda jalǵasyn tabady. Sondaı-aq, aldaǵy ýaqytta poıyz baǵyttarynyń aıasyn keńeıtý josparymyz bar. Mysaly, Almaty -Mańǵystaý baǵytynda týrısik poıyzdy iske qosý. Osylaısha, basqa baǵyttar da ashyla bastaıdy. Árıne, bir kúndik jumys emes, jospar bar», - dedi «Kazakh Tourism» AQ ulttyq kompanıasynyń basqarýshy dırektory Danıel Serjanuly BAQ ókilderine arnalǵan baspasóz týry barysynda.
Uıymdastyrýshylardyń aıtýynsha, merekelik bezendirilgen vagondardyń baǵa aıyrmashylyǵy joq.
Búgin iske qosylǵan týrısik poıyz 2023 jylǵy qańtardyń sońyna deıin júredi.
«Merekelik poıyz týrıser úshin yńǵaıly. Týrpaketti satyp alǵanda poıyzdyń quny ishine kiredi. Iaǵnı, bólek bılet alýdyń qajeti joq. Mysaly, siz Býrabaıǵa týrpaket satyp alsańyz kólik jaǵyn ýaıymdamasańyz bolady. Sizdi Býrabaıdan kútip alady. Jańa jyldyq elektr poıyzyn iske qosýdaǵy maqsat – óńirlerge týrıser aǵynyn tartý jáne jergilikti týroperatorlardyń belsendiligin qamtamasyz etý», - deıdi ol.
Aıta ketsek, atalǵan jobany QR Prezıdentiniń İs Basqarmasyna qarasty «Býrabaı Damý» JSHS, «Kazakh Tourism» ulttyq kompanıasy jáne «Jolaýshylar tasymaly» AQ birlesip qolǵa alyp otyr.