Jańa qaǵıdany buzǵan azamattar 10 AEK shamasynda aıyppul tóleıdi
Almaty oblysynda úı janýarlaryn ustaý jáne serýendetý qaǵıdalary bekitildi, dep habarlaıdy Almaty-akshamy.kz Azattyq Ruhy-na silteme jasap.
Jańa qaǵıdalar oblystyq máslıhattyń «Almaty oblysynyń eldi-mekenderiniń aýmaǵynda úı janýarlaryn ustaý jáne serýendetý qaǵıdalaryn bekitý týraly» sheshimimen bekitildi.
Itter olardyń óz betinshe serýendeýine jáne adamdar men janýarlarǵa shabýyl jasaýyna jol berilmeıtin jaǵdaılarda ustalady. Qaýipsizdik úshin olar úıshikte bolýǵa ne bolmasa baılaýly turýǵa tıis.
Úı janýarlaryn qoǵamdyq oryndarda, jalpy paıdalaný oryndarynda jáne úı mańyndaǵy aýmaqtarda (jeke turǵyn úılerdiń mańyndaǵy aýmaqtardan basqa) ustaýǵa ruqsat etilmeıdi.
Úı janýarlaryn serýendetý adamdardyń jáne janýarlardyń qaýipsizdigi qamtamasyz etilgen, úı janýarlarynyń adam múlkine zıan keltirýinen qorǵalǵan jaǵdaıda júzege asyrylady.
Janýarlardy ustaý qaǵıdalaryn buzǵany úshin polısıa qyzmeti tarapynan on aılyq eseptik kórsetkish mólsherinde aıyppul salý túrinde ákimshilik jaýapkershilik kózdelgen.