Depýtat Ekaterına Smyshláeva veterınar mamandardyń kásibı merekesin bekitý kerektigin aıtty.
Búgin tómengi palatada veterınarıa salasyn reformalaý máselesi qaralyp, Májilis depýtattary veterınarlardyń kásibı merekesin engizýdi usyndy, dep habarlaıdy Almaty-akshamy.kz
«Búginde kásibı merekeler qatarynda veterınar kúni joq. Osydan-aq bizdiń jáne memlekettiń veterınar mamandyǵyna degen qarym-qatynasyn baıqaýǵa bolady. Mysaly, qarjyger men esepshilerdiń birneshe meıramy bar. Al mal dárigeriniń ataýly kúni joq. Sonda buıryqqa jazylatyn on bes áripti aıap otyrmyz ba?» - dedi Smyshláeva.
Aıtýynsha, oǵan eshqandaı shyǵyn shyǵarýdyń qajeti joq. Demalys kúni de engizilmeıdi.
«Osyny jasasaq, veterınarlarǵa jaǵymdy jańalyq bolady. Olar eldiń azyq-túlik jáne janýarlar qaýipsizdigin qamtamasyz etip otyr ǵoı», - dep túıindedi depýtat.
Aýyl sharýashylyǵy mınıstri Erbol Qarashókeev depýtattyń usynysyn qoldady. Onyń aıtýynsha, aldaǵy ýaqytta mınıstrlik birqatar vedimistik nagradany bekitýdi josparlap otyr. Oǵan «Qurmetti veterınar» ataǵy da engiziledi.
«Kásibı merekeni de barynsha qoldaımyz. Tıisti usynystar engizemiz», - dep atap ótti Qarashókeev.