Bul týraly Tótenshe jaǵdaılar mınıstrliginiń saıtynda málim boldy.
Memleket basshysynyń TJM ókilettikterin berýge qatysty tapsyrmasyna sáıkes ortalyq jáne jergilikti atqarýshy organdarǵa qatysty baqylaýdy júzege asyrý bóliginde tabıǵı jáne tehnogendik apattardyń aldyn alý máseleleri boıynsha baqylaý fýnksıalary bar jeke vedomstvo qurylady, dep habarlaıdy Almaty-akshamy.kz.
Qazirgi ýaqytta «Qazaqstan Respýblıkasy Tótenshe jaǵdaılar mınıstrliginiń Tótenshe jaǵdaılardyń aldyn alý komıteti» respýblıkalyq memlekettik mekemesin qurýdy kózdeıtin «Qazaqstan Respýblıkasy Tótenshe jaǵdaılar mınıstrliginiń keıbir máseleleri týraly» Úkimet qaýlysynyń jobasy ázirlendi.
«Quqyqtyq aktiler týraly» Zańnyń 18-babyna sáıkes bul joba ashyq normatıvtik quqyqtyq aktilerdiń ınternet-portalynda jarıa talqylaý úshin ornalastyrylǵan.
Jobany iske asyrý qurylǵan vedomstvoǵa ortalyq jáne jergilikti atqarýshy organdarǵa qatysty tabıǵı jáne tehnogendik sıpattaǵy tótenshe jaǵdaılardyń aldyn alý máselelerinde baqylaýdy júzege asyrýǵa múmkindik beredi.