Sút 28,3 paıyzǵa, sút konservileri 39,2 paıyzǵa, ashytylǵan sút ónimderi 29,2 paıyzǵa qymbattaǵan.
Baǵanyń bulaı sharyqtaýy qazan aıynyń qorytyndysy boıynsha baıqalyp otyr, dep habarlaıdy Almaty-akshamy.kz Egemen.kz-ke silteme jasap.
Óńirlik turǵyda sút ónimderi baǵasynyń ósýi Mańǵystaý, Qaraǵandy, Shymkent oblystarynda baıqaldy.
Bıylǵy jyldyń qańtar-qazan aılarynda sút ónimderin óndirý 396 mlrd teńgege jetti, bul ótken jylmen salystyrǵanda qundyq mánde 15,8 paıyzǵa artyq.
Sondaı-aq óńdelgen suıyq sút pen kilegeı óndirisi 6,2 paıyzǵa, 472,5 myń tonnaǵa, sary maı men sydyrma – 9 paıyzǵa, 20,9 myń tonnaǵa, sút sydyrmalary – 26,6 paıyzǵa, 4,7 myń tonnaǵa, irimshik 2,5 paıyzǵa, 30,5 myń tonnaǵa deıin, qoıýlandyrylǵan sút pen kilegeı – 5,5 paıyzǵa, 7 myń tonnaǵa deıin, ıogýrt – 3 paıyzǵa, 191,7 myń tonnaǵa deıin, shubat – 37,5 paıyzǵa, 2,4 myń tonnaǵa deıin ósti.
Osy jyldyń qańtar-tamyz aılarynyń qorytyndysy boıynsha, jergilikti kásiporyndar óńdelgen suıyq sút pen kilegeıge suranysty (ishki naryqtaǵy satý plús eksport) 96 paıyzǵa qamtamasyz etti. Osy kezeńde elimizde 373,4 myń tonna ónim óndirilse, ımport – 15,6 myń tonna. Onyń 10,1 myń tonnasy eksportqa shyǵarylsa, qalǵan 378,8 myń tonnasy ishki naryqqa satyldy.