Bul ádis tirshilik nárindegi mıkroplastık qaldyqtary men basqa da lastaýshy zattardy bólip alýǵa múmkindik beredi.
Elimizde sý tapshylyǵymen qatar lastanýy da ózekti. Qanysh Sátbaev atyndaǵy Qazaq ulttyq tehnıkalyq zertteý ýnıversıtetiniń ǵalymdary osy baǵytta alǵashqy tájirıbeni júrgizýge daıyn. Qazir mamandar quramynda kremnııi bar elementterdi tekserý ústinde, dep habarlaıdy Almaty-akshamy.kz 24.kz-ke silteme jasap.
Ózge de bólshekter anyqtalady. Bul sińirgishter keıin sýdy sońǵy tazalaý kezeńinde paıdalanylady. Al oǵan deıin ǵalymdar elektr razrádynan paıda bolatyn ushqynnyń kómegimen sý quıylǵan reaktorda sýyq plazma aǵynyn jasaıdy. Ol kólemi 5 mıllımetrden aspaıtyn mıkroplastıkterdi ydyratady.
«Arnaıy reaktorda arnaıy konteıner bolady. Sol jerden sý ótken kezde biz sýyq plazmany 300, 400 gradýs kóleminde qyzdyrylady. Iaǵnı, osy mıkrobólshekterdi nanobólshekterge deıin ydyratyp, sol plazmanyń kómegimen eń sońynda sol ótken sýdy jańaǵy kómirtekti sorbentterdiń kómegimen sorbsıalap alamyz. Al bylaıǵy jaǵdaıda ony kez kelgen tehnologıa kómegimen súzip alý nemese basqasha jasaý óte qıyn», - deıdi Sátbaev ýnıversıteti ınjenerlik beıindi zerthanasynyń jetekshisi Seıithan Azatuly.