Baıqaýǵa álem boıynsha 30 myńǵa jýyq oqýshy qatysqan.
Almatydaǵy fızıka matematıka-baǵytyndaǵy NIS oqýshylary Ramazan Ámire men Symbat Barsaǵazy daıyndaǵan «Aenoica» jobasy álemniń úzdik zymyran qurastyrýshylarynyń arasynan top jaryp, úzdik atandy, dep habarlaıdy Almaty-akshamy.kz Halyq Uni saıtyna silteme jasap.
Joba kýratory, 11-synyp oqýshysy Raıymbek Ábilbektiń aıtýynsha, ıdeıa jańa tehnologıalardy engizýge negizdelgen.
- Biz 300 myń turǵynnyń úıine aınalatyn stansıa quryp qana qoımaı, kvanttyq komýnıkasıalardy, tehnologıalyq damyǵan agrokýltýrany paıdalana otyryp, tirshilikti qamtamasyz etý júıesin qurdyq. Bizdiń joba úzdikter qataryna engenine qýanyshtymyn, - dedi Raıymbek.
Ǵaryshtyq qonystar – AQSH-tyń NASA uıymy uıymdastyrǵan 7-12 synyp oqýshylaryna arnalǵan dástúrli baıqaý. Oǵan álemniń túkpir-túkpirinen oqýshylar men stýdentter qatysyp, erkin ǵaryshtyq qonys tujyrymdamasyn ázirleý úshin jumys isteıdi. Bıyl baıqaýǵa álem boıynsha 30 myńǵa jýyq oqýshy qatysyp, almatylyq oqýshylar 1-oryndy ıelendi.