Senator Rysqalı Ábdikerov Úkimet basshysyna saýal joldap, saladaǵy problemalardy tizip shyqty.
Depýtattyń aıtýynsha, ótken ǵasyrdyń 90-shy jyldary álemde balamasy bolmaǵan Qanysh Sátpaev atyndaǵy kanal aýmaǵyndaǵy sýarmaly egistik alqaby 80 myń gektar bolǵan, dep habarlaıdy Almaty-akshamy.kz.
Qazir onyń tek 13 myń gektary ǵana qalǵan. Qolda bar múmkindiktiń 10 paıyzyn ǵana kádege jaratyp otyrmyz. Eldiń ońtústiginde sharýalar sýǵa zárý. Al ortalyq aımaqtarda tirshilik nári bar, biraq tolyq paıdalanbaı otyrmyz - dedi senator. Ol Qanysh Sátpaev atyndaǵy kanaldyń qýatyn tolyq paıdalanýdy jáne Qaraǵandy oblysyndaǵy sýarmaly jerlerdi qalpyna keltirýdi usyndy.
«Shaǵyn fermerlerge sý únemdeý tehnologıalaryn satyp alýǵa jáne qurylysqa beriletin sýbsıdıa kólemin 50 paıyzdyń ornyna 80 paıyzǵa deıin ulǵaıtýdy, jemis-kókónis ónimderin saqtaıtyn arnaıy qoıma salýǵa kásipkerlerdi yntalandyrý úshin ınvestısıalyq sýbsıdıa men jeńildetilgen nesıe berýdi, sý mamandaryna erekshe eńbek jaǵdaıyn jasap, aýyldyq jerde jumys istegeni úshin qosymsha ústemeaqylar qarastyrýdy, sondaı-aq olardyń daıyndyǵy men tájirıbelerin arttyrýdy suraımyn», - deıdi QR Parlamenti senatynyń depýtaty Rysqalı Ábdikerov.