Taıaý jyldary Qazaqstan Ortalyq Azıa aýmaǵynda Ońtústik Koreıalyq kólikterdiń óndirisi boıynsha Habqa aınalýy múmkin.
Koreılik kompanıalar buǵan zor qyzyǵýshylyq tanytyp otyr. Bizdiń elde tek kólik qurastyrý ǵana emes, túrli jabdyqtardy óndirý de josparda bar. Sonyń alǵashqy qadamy retinde, elordada shaǵyn júk kólikterin shyǵaratyn zaýyt ashyldy, dep habarlaıdy Almaty-akshamy.kz
Joba quny - 11 mlrd teńge. Alǵashqy kezeńde 240 adam jumyspen qamtylǵan. Jylyna 12 myńǵa jýyq tehnıka shyǵara alady.
«80 paıyzy eksportqa ketedi» dep josparlanǵan. Sharýa kólikteri 1 tonnaǵa deıin júk tası alady. Qazirdiń ózinde 2 myń kólikke tapsyrys túsken. Zaýyt keshenine dánekerleý, boıaý jáne qurastyrý boıynsha óndiristik alańdar, sondaı-aq qondyrmalardy óndirý sehy bar. Aldaǵy eki jylda óndiris orny keńeıip, kásiporynda elektr jáne sýtegimen júretin kólikter, aýyr júk mashınalary, kran jáne gıdrokótergish syndy arnaıy tehnıkalar shyǵarý josparlanyp otyr.
"Biz bolashaqta Qazaqstan jerinde Ortalyq Azıa aýmaǵy úshin Hab bolatyn iri óndiris oryndaryn ashýdy josparlap otyrmyz. Osy jerde kóliktiń kóptegen túrlerin shyǵarsaq deımiz. Bizdiń negizgi maqsatymyz mashınany kóp satý emes, Qazaqstanǵa jańa tehnologıalardy alyp kelý", - deıdi Ońtústik Koreıalyq kólik kompanıasynyń aǵa vıse-prezıdenti Ik Te Kım.
"5 jyldyń ishinde motor qurastyrý, qozǵaltqysh quraldaryn qurastyrý, onyń ishinde júk kólikteriniń dıskisin qurastyrý jáne de áınek detaldaryn shyǵarý boıynsha josparymyz bar", - deıdi kompanıa dırektory Temir Juryn.