Jarysqa qatysý tegin.
Saıystyń erejesi firstrobotics.kz saıtynda jarıalandy, dep habarlaıdy Almaty-akshamy.kz
USTEM Foundation qoǵamdyq qory Oqý-aǵartý Mınıstrliginiń qoldaýymen robototehnıka boıynsha óńirlik irikteý chempıonatyn ótkizedi. Ulttyq kezeńge óńirlik irikteýlerge qatysýǵa elimizdiń barlyq mektepteriniń oqýshylary kelesi sanattar boıynsha shaqyrylady:
- FIRST LEGO League Explore (6-10 jas)
- FIRST LEGO League Challenge (10-16 jas)
- FIRST Tech Challenge (12-18 jas)
Esterińizge sala keteıik, ótken jyly jarysqa Qazaqstannyń túkpir-túkpirinen 10 000-nan astam oqýshy qatysty. Hústonda ótken álemdik kezeńge 50-ge jýyq qazaqstandyq oqýshy baryp, elge úsh birdeı júlde alyp kelgen bolatyn.
"FIRST in show chempıonatynyń jańa maýsymy óner taqyrybyna arnalǵan jáne STEM arqyly oqýshylardyń shyǵarmashylyq áleýetin damytýǵa baǵyttalǵan. Ulttyq chempıonatqa biz komandalardy eki kezeńde irikteıtin bolamyz: áleýmettik jeliler arqyly onlaın irikteý jáne óńirlik irikteý jarystary ótkiziledi. Bıyl Qazaqstannyń barlyq 17 oblysynda jáne respýblıkalyq mańyzy bar 3 qalada óńirlik irikteý júrgizemiz. Sondaı-aq aýyl mektepteriniń oqýshylaryna erekshe nazar aýdarǵymyz keledi", - dep bólisti USTEM Foundation qorynyń negizin qalaýshy Nurdáýlet Dosmaǵambet.
Aıta keteıik, jarysqa qatysý tegin. Elimizdiń barlyq derlik mektepterinde qatysýǵa qajetti qural-jabdyqtar bar.