Medısına men fızıologıa salasynda 2023 jylǵy Nobel syılyǵyna RNQ negizinde jańa vaksına oılap tabýǵa múmkindik bergen jańalyǵy úshin Katalın Karıko (Majarstan) men Drú Vaısman (AQSH) laıyq dep tanyldy, dep habarlaıdy Almaty-akshamy.kz QazAqparatqa silteme jasap.
Koronavırýs pandemıasy bastalǵaly RNQ vaksınalary mıllıondaǵan adamnyń ómirin aman saqtap qalýǵa kómektesti.
«Álem qorqynyshty Covid-19 epıdemıasyn bastan ótkerip, basqa da epıdemıalar qaýpi tónip turǵan kezde olardyń jumysynyń qundylyǵyna baǵa jetpeıtinin moıyndadyq» dep túsindirdi sheshimin Nobel syılyǵy komıteti.
Byltyr bul marapatty qyrylyp bitken adamdardyń genomy men adam evolúsıasyn zerttegeni úshin shved genetıgi Svante Paabo ıelengen bolatyn.
1901 jyldan beri fızıologıa men medısına boıynsha 112 Nobel syılyǵy tabystalyp, 224 adam laýreat atandy.
Nobel syılyǵy qorynyń jarǵysy boıynsha, marapatqa laıyq dep tanylǵan jumystyń eki nemese úsh avtory bolsa — syılyq ekeýine ortaq taǵaıyndalady.
2022 jylǵa arnalǵan Nobel syılyǵy qory — 10 mln shved krony (shamamen 900 myń dollar).