Qazaqstanda reabılıtolog dárigerlerdi daıyndaıtyn jańa ortalyq ashylady.
Oǵan Ońtústik Koreıa memleketi qoldaý kórsetpek. Mundaı sheshim Tegý qalasynda qazaqstandyq dárigerlerdiń taǵylymdamasynyń qorytyndysynyń nátıjesi boıynsha qabyldandy, dep habarlaıdy Almaty-akshamy.kz Qazaqtv.com saıtyna silteme jasap.
Aıta keteıik, otandyq dárigerler 1 aı boıy tańǵy shyq elinde koreılik áriptesteriniń leksıalaryna qatysyp, jumysyn baqylady. Qazaqstandyq dárigerlerdiń aıtýynsha, Koreıada aýyr dertke shaldyqqan naýqastardy ońaltý merzimi bizdiń elge qaraǵanda uzaǵyraq, al saýyqtyrý ortylaqtary zamanaýı jabdyqtarmen tolyq qamtamasyz etilgen. Eki eldiń dárigerleri tele-medısına arqyly tájirıbe almasý týraly kelisimge keldi.
«Kelesi aıda biz alǵashqy ońaltý emdeý akademıasynyń jumysyn bastaımyz. Almatydaǵy oqý ortalyǵynda saýyqtyrý ǵana emes, fızıoterapıany da úıretetin bolamyz. Biz sondaı-aq telemedısınany qoldanamyz jáne ZOOM arqyly oqytamyz», - deıdi ońaltý medısına departamentiniń dırektory Chon Te Dý.