Joba arab ınvestorlarymen birlesip iske asyrylady.
Bul týraly «Ulttyq agrarlyq ǵylymı-bilim berý ortalyǵynyń» tóraǵasy Darhan Balpanov aıtty, dep habarlaıdy Almaty-akshamy.kz.
Búgingi tańda elimizde eki genetıkalyq zerthana bar. Onda qoı tuqymyn asyldandyrý jumysy júrgiziledi. Qazaqstandaǵy qoı etine arab elderiniń qyzyǵýshylyǵy zor. Al elimizdiń bul turǵyda áleýeti úlken. Endigi jyldan bastap arab elderimen birge qosylyp, 2 mln eýroǵa baǵalanǵan zerthana qurylmaq.
«Jalpy, strategıa boıynsha, ǵylymı ınstıtýttyń deńgeıin kóterip, fermerlerge uryqtandyrý tehnologıalaryn jetkizý oıymyzda tur. Al júnge elimizde suranys bolmasa da, shetelde suranys kóp. Sondyqtan seleksıa jumystaryn atqarý kerek. Ol jumystar da ǵylymı ınstıtýttarymyzda júrgizilip jatyr. Bizdiń maqsatymyz – seleksıany durys uıymdastyryp, tıimdi násilder shyǵaryp, sol máseleni fermerlerge jetkizý. Al memleket tarapynan ónimdi shetelge shyǵarýdyń múmkindikterin izdeý mańyzdy», - deıdi «Ulttyq agrarlyq ǵylymı-bilim berý ortalyǵynyń» tóraǵasy Darhan Balpanov.
Kórmege álemniń 20 elinen 300 den astam kompanıa qatysady. Ortalyq Azıadaǵy eń iri kórme erteń EKSPO kórme kesheninde ótedi. Eki bólikten turatyn jármeńkeniń biri mal sharýashylyǵyna arnalsa, "Qaz Agro" kórmesi eldegi tuqym sharýashylyǵynan bastap, un óndirisin de qamtıdy. Salanyń ozyq tehnolgıalary tanystyrylatyn alań otandyq sharýalar úshin tájirıbe almasýǵa taptyrmaıtyn múmkindik, - deıdi mamandar.