Densaýlyq saqtaý mınıstrliginiń málimetinshe, jyl basynan beri eki jarym myńnan astam adam osy dertke shaldyqqan.
Naýqastardyń jartysynan kóbi balalar. Qyzylsha jyldam dendeıtin dert. Sondyqtan ony jiti baqylaýda ustaý qajet, deıdi mamandar. Bul aýrý elimizge shet elden kelgenderden juqqan. Iaǵnı áý basta Mysyr, Ózbekstan, Tájikstan, Reseı jáne Qyrǵyz elinen kelgen jolaýshylar tasymaldaǵan, dep habarlaıdy Almaty-akshamy.kz 24.kz-ke silteme jasap.
Vırýs juqtyrǵandardyń jartysynan kóbi Almaty qalasynyń turǵyndary. Al, Qostanaı oblysynda qyzylshaǵa shaldyqqandar sany báseńdemeı tur. Juqpaly kesel jarty jyl ishinde 60-qa jýyq adamnan tabylǵan. Ótken jyldyń osy kezeńinde munda tek eki jaǵdaı tirkelgen. Naýqastardyń kóbi aýrýǵa qarsy ekpe saldyrmaǵandar, deıdi maman.
- Sol aýyrǵan adamdar birinshi Túrkıa, Saýd Arabıasy, Qyrǵyzstan, Ózbekstan, Rossıadan ákeldi birinshi sol aýrýlardy. Biz oılaımyz eń pık zabolevaemostı ótti ǵoı dep. Osy 15 ıýnnen bastap 21 ıýnge deıin 17 adam aýyrdy, odan keıin qazir bir-eki adam apta saıyn aýyryp otyr, deıdi oblystyq sanıtarlyq - epıdemıologıalyq baqylaý departamentiniń basshysy Ermuhanbet Dáýletbaev.
2019 jyly epıdemıologıalyq jaǵdaı budan áldeqaıda nashar boldy. Sol jyly elde 13 myń adam qyzylsha juqtyrǵan. Bul kesel naýqas jótelip, túshkirgende aýamen silekeı arqyly taralady eken.
- Bizde qazir qyzylsha boıynsha epıdemıologıalyq jaǵdaı kúrdeli. Osy jyldan basynan bastap 2600-den astam jaǵdaı tirkeldi. Onyń ishinde ol 86%-dan astam ol 18 jasqa deıingi balalardyń ishinde. 72 paıyzynda egilýden ótpegen balalar. Onyń ishinde 60%-y vaksınasıadan bastartqandary. 20%-i jalpy turaqty vaksınasıaǵa qarsy medısınalyq kórsetilimderi bar balalar. Jáne 20%-y vaksınasıaǵa jasy kelmegen balalar, -dedi QR Densaýlyq saqtaý vıse-mınıstri Aıjan Esmaǵambetova.
Mamandar bul ınfeksıanyń ekpesi elimizde tek ulttyq kúntizbe boıynsha egiletinin aıtady. Iaǵnı qyzylshaǵa qarsy vaksına josparly túrde 1 jastaǵy sábı men 6 jasar balalarǵa salynady. Elimizde pandemıa kezinde qalys qalǵanymen qazir ekpeler josparly túrde júrgizilip jatyr. Bıylǵy jarty jyldyń ózinde 200-ge jýyq bala egilgen.
- Bul tez emdeletin aýrý túrine jatqyza almaımyz. Egerde ol asqynyp ketken jaǵdaıda vaksıanasıalanbasa aýrý túri aýyr júredi. Mysaly, aýyz qýysyndaǵy shyryshtyq qabattyń, tynys alý joldarynyń shyryshtyq qabattary qabyna bastaıdy. Inkýbasıalyq kezeńi 8-den 17 kúnniń aralyǵynda ótedi. Biraq, juqpaly kezeńi bórtpeniń shyǵýyna baılanysty. 4 kúnniń aralyǵynda qyzylsha aýrýy juǵady. 5-kúni bórtpe shyqqan soń juqpaly aýrý bolýy tómendeı bastaıdy, -dedi QR DSM Juqpaly aýrýlardyń aldyn alý departamentiniń bas mamany Elmıra Qurbanbekova.
Aýrý aıtyp kelmeıdi. Sondyqtan saq bolǵan jón. Sebebi bul indet mıǵa, tynys alý joldary men ókpege qatty zaqym keltiredi. Mamandar qyzylshanyń jalǵyz emi vaksına ekenin aıtyp otyr.
Istochnık: https://24.kz/kz/zha-aly-tar/o-am/item/611061-elimizde-yzylsha-auruy-rship-barady
Lúboe ıspolzovanıe materıalov dopýskaetsá tolko prı nalıchıı gıperssylkı na www.