Qazaqstan ınvestorlarynyń shetelge tikeleı ınvestısıasy byltyrǵy qańtar-qyrkúıek aralyǵynda 1,5 mlrd AQSH dollaryna jetti.
2020 jyldyń 12 aıynda kórsetkish 1,4 mlrd AQSH dollaryn quraǵan bolatyn. Iaǵnı toǵyz aıdyń kórsetkishi boıynsha ósim 35,8%-ǵa teń bolyp otyr, dep habarlaıdy Almaty-akshamy.kz
Qazaqstandyq ınvestorlardyń shetelge tikeleı ınvestısıasynyń 1 mlrd dollary qarjy jáne saqtandyrý qyzmetine tıesili. Odan keıingi orynda – kásibı jáne ǵylymı tehnıkalyq qyzmet (117,4 mln dollar) jáne úı sharýashylyǵy men tutyný taýarlary óndirisi (96,7 mln dollar).
Aqsha aýdarymdarynyń ishinde basym bóligi – ofshor elderi. Byltyr alǵashqy toǵyz aıda eń kóp Kaıman araldaryna 637,5 mln dollar aýdarylǵan. Bul elge aýdarylǵan aqsha kólemi bir jylda 3 ese kóbeıdi.
Artynsha Reseı (253,1 mln dollar), úshinshi orynda da ofshor – Seıshel araldary (176,6 mln dollar).
Aıta keterligi, aýdarylǵan ınvestısıa byltyr úshinshi toqsanda aýdaryldy. Oǵan deıin qazaqstandyq ınvestorlar Seıshel araldaryna aqsha aýdara qoımaıtyn.
Esesine Kaıman araldaryna ınvestısıa turaqty kóbeıip barady. Kaıman araldarynyń úlesi 2011 jyly jalpy shetelge aýdarylǵan tikeleı ınvestısıanyń 0,1%-yn qurasa, 2020 jyly kórsetkish 23,3% boldy. Al 2021 jyldyń toǵyz aıynda 42,2% boldy.