Bıyl 1 mamyrdaǵy jaǵdaı boıynsha, Qazaqstanda 381 soǵys ardageri jáne Ekinshi dúnıejúzilik soǵysta jeńiske jetýge úles qosqan 97 758 azamat turyp jatyr.
Bul týraly Eńbek jáne halyqty áleýmettik qorǵaý vıse-mınıstri Rýslan Sákeev málimdedi, dep habarlaıdy Almaty-akshamy.kz Elorda.info-ǵa silteme jasap.
"Soǵys kezinde qazaq jerinen 1 mln 200 myńǵa jýyq adam maıdanǵa attandy, 20-dan astam atqyshtar dıvızıalary jáne basqa da qurylymdar quryldy. Áskerı qyzmetteri úshin júzdegen myń qazaqstandyq medaldar men ordendermen marapattaldy, 500-ge jýyq adam Keńes Odaǵynyń batyry atandy. Tórt qazaqstandyq eki ret Batyr atandy, 110 qazaqstandyq úsh dárejeli Dańq ordenimen marapattaldy. Qolyna qarý alǵan árbir ekinshi qazaqstandyq Jeńis úshin janyn berdi – shaıqasta qaza tapty, habar-osharsyz ketti. 630 myń adam tutqynnan oralmady. Jeńisti jaqyndatýǵa tyl eńbekkerlerinniń qosqan úlesin erekshe atap ótkim keledi, olar maıdandy barlyq qajettilikpen qamtamasyz etýge bar kúshin saldy", - dedi vıse-mınıstr.
Rýslan Sákeev ardagerlerdi Jeńis kúnimen quttyqtady.