2023 jylǵy 1 maýsymdaǵy jaǵdaı boıynsha 98 myń otbasyndaǵy 514,3 myń adamǵa ataýly áleýmettik kómek taǵaıyndaldy.
QR Eńbek jáne halyqty áleýmettik qorǵaý mınıstrliginiń aqparatyna sáıkes, bıyl osy maqsattarǵa búdjetten 73,9 mlrd teńge bólindi, dep habarlaıdy Almaty-akshamy.kz.
AÁK otbasynyń árbir múshesine, jan basyna shaqqandaǵy ortasha tabysy óńirlik eń tómengi kúnkóris deńgeıiniń 70%-ynan tómen azamattarǵa taǵaıyndalady.
Osy jyldyń 1 qańtarynan bastap 1 jastan bastap 6 jastaǵy balalarǵa beriletin kepildendirilgen áleýmettik toptama kómektiń tabıǵı nysanynan, monetızasıalaý formatyna, ıaǵnı 1,5 AEK mólsherinde (2023 jyl – 5175 teńge) qosymsha tólem túrine aýystyryldy.
2023 jylǵy 1 maýsymdaǵy jaǵdaı boıynsha AÁK alýshylar qataryndaǵy 1 jastan 6 jasqa deıingi balalardy qosa alǵanda – 157,2 myń balalarǵa qosymsha tólem taǵaıyndaldy.
Qazirgi ýaqytta qazaqstandyqtar AÁK taǵaıyndaýǵa ótinishti turǵylyqty jeri boıynsha jumyspen qamtý ortalyǵynda, aýyl okrýginiń ákimine sondaı-aq egov.kz elektrondyq úkimet portaly arqyly bere alady.