Kınotýyndy múgedek balalardy tárbıelep otyrǵan ata-analardyń máselesi jaıynda.
Onda aýtızm dıagnozy qoıylǵan balanyń ómirindegi ákeniń róli men kezdesetin qıyndyqtar jaıly baıandalady, dep habarlaıdy Almaty-akshamy.kz 24.kz-ke silteme jasap.
Sońǵy kezde múgedek balalaryn tastap ketetin áke kóbeıdi, - deıdi avtorlar. Sondyqtan bul – qazirgi qoǵamnyń ózekti túıtkili. Derekti fılmniń maqsaty – osy múgedek bala tárbıesine qoǵam men memlekettiń nazaryn aýdarý. Týyndy ákeler kúnine oraı alǵash ret kórsetildi.
«Bul fılm meniń ómirlik oqıǵama negizdelip túsirilgen. 2009 jyly ulyma aýtızm dıagnozy qoıyldy. Sodan beri ómirim túbegeıli ózgerdi. Bul fılmde aýtızmi bar balalardyń ákeleri qandaı joldan ótetinin kórsetilgen. Sonymen qatar týyndy birinshi kezekte ákelerge jaýapkershilikti umytpaı, múgedektigi bar balalardy tastamaýǵa shaqyrady. Ekinshiden, bul qıyndyqty da birge eńserýge bolatynyn kórsetedi. Úshinshiden, memelket nazaryn erekshe balalardyń kútimine qatysty problemaǵa aýdartyp, tek járdemaqymen emes, júıeli kómek kórsetýdi úndeıdi», - deıdi erekshe balanyń ákesi Rýslan Qazybaev.