Tizimde jasandy ıntellekt mamandary, atom elektr stansıasynyń jumysshylary bar.
Eńbek jáne halyqty áleýmettik qorǵaý mınıstri Svetlana Jaqypova Qazaqstanda suranysqa ıe bolatyn jańa mamandyqtardyń tizimin jarıalady, dep habarlaıdy aqshamnews.kz
Jaqypovanyń aıtýynsha, boljamnyń úsh túri bar: qysqa merzimdi, orta merzimdi jáne uzaq merzimdi.
"Qysqa merzimdi boljam jumys istep turǵan kásiporyndar men bos jumys oryndaryn jarıalaıtyn kásipkerlerdiń ótinimderi negizinde qalyptasady, onyń negizinde uzaq merzimdi boljam qazaqstandyq naryqta paıda bolatyn bolashaq salalar týraly aqparatty qamtıdy. Biz elimizde suranysqa ıe bolatyn jańa mamandyqtardyń tolyq tizimin usynýǵa daıynbyz",-dedi mınıstr.
Onyń aıtýynsha, tizimge jasandy ıntellekt mamandary, atom elektr stansıasynyń jumysshylary, blokcheın tehnologıasy boıynsha mamandar, IT dızaınerleri, baǵdarlamashylar jáne sıfrlyq egiz ázirleýshiler sıaqty mamandyqtar kiredi.