Eńbek jáne halyqty áleýmettik qorǵaý mınıstrligi elektrondy eńbek bırjasy boıynsha jarty jylda túsken málimetterdi qorytyndylady.
Eń joǵary jalaqyny kelesi mamandyq ıeleri alady: óndiristi daıyndaý boıynsha ınjenerdiń kómekshileri – 5 mln teńge, dybys rejıserleri – 2,1 mln teńge, ınvestısıalyq jobalar jónindegi dırektorlar – 1,9 mln teńge jáne gýmanıtarlyq ǵylymdar salasyndaǵy ýnıversıtet profesorlary – 1,8 mln teńge, dep habarlaıdy Almaty-akshamy.kz Elorda.info-ǵa silteme jasap.
«Elektrondyq eńbek bırjasynda usynylǵan eń joǵary aqy tólenetin bos jumys oryndary rıeltorlar (ortasha eseppen 900 myń teńge), bas qurylysshylar (824 myń teńge) jáne obektıvti baqylaý jónindegi ınjenerler (800 myń teńge) bolyp tabylady», – dep atap ótti Eńbek mınıstrliginde.
Jyl basymen salystyrǵanda, bos laýazymdar sany 1,8 esege artty, al jumys izdenýshiler arasynda belsendiliktiń tómendeýi baıqalýda, túıindemeler sany jyl basynan beri 70,2 myńnan 59,9 myńǵa deıin qysqardy.
Birinshi jartyjyldyqtyń qorytyndysy boıynsha, bos jumys oryndarynyń kópshiligi aýyl sharýashylyǵy (10,8 myń bos oryn), turǵyn emes jáne turǵyn úı obektileriniń qurylysy (9,8 myń bos oryn), bilim berý (6,6 myń bos oryn) jáne basqa qyzmetterde (5 8 myń bos oryn) baıqalýda. Bul rette aýyl sharýashylyǵy salasynda jarıalanǵan bos jumys oryndarynyń jartysyna jýyǵy (47%) Jambyl oblysyna tıesili.
Al biliktiligi tómen qyzmetkerlerge suranys 23,4 myńnan 50,7 myńǵa deıin, ıaǵnı 2 eseden astam ósti. Onyń bir sebebi aýyl sharýashylyǵyndaǵy maýsymdyq jumystarǵa ádettegiden kóp jumysshylar kerek.