Densaýlyq saqtaý mınıstri Ajar Ǵınıat Pfaızer kompanıasynyń ókilderimen kezdesti.
Kezdesýde elimizde vaksınalar óndirý salasyndaǵy jobalardy birlesip iske asyrý máseleleri talqylandy, dep habarlaıdy Almaty-akshamy.kz.
Pfaızer kompanıasynyń óńirlik dırektory Ozgýr Iazıýrtpen tildesý barysynda vedomstvo basshysy farmasevtıka ónerkásibin damytýǵa ári áriptestik qatynastardy tereńdetýge baǵyttalǵan bastamasy úshin rızashylyǵyn bildirdi.
"Biz amerıkandyq tehnologıalardyń transfertin, onyń ishinde QR densaýlyq saqtaý júıesin damytýǵa belsendi úles qosa otyryp, aýrýlardy dıagnostıkalaý men emdeýdiń zamanaýı ádisterin engizýge baǵyttalǵan jobalardy birlesip iske asyrýdy qoldaımyz. Bizdiń yntymaqtastyǵymyzdyń kelesi mańyzdy kezeńi Qazaqstanda Pfizer kompanıasynyń Prevenar 20 vaksınasynyń jańa býynyn óndirýdi ornyqtyrý bolady", - dep atap ótti A.Ǵınıat.
Budan ári kezdesý barysynda normatıvtik bazany jetildirý jáne Qazaqstanda farmasevtıka óndirisin ornyqtyrý jónindegi jobalardy iske asyrý úshin qolaıly ınvestısıalyq ahýal qurý máseleleri kóterildi.