"Nurly taý" shaǵynaýdanynda aǵashtardy kesý týraly aqparat
"Nurly taý" shaǵynaýdany, 46 úı mekenjaıyndaǵy aǵashtardy kesý faktisi boıynsha mynany habarlaımyz.
Almaty qalasy ekologıa jáne qorshaǵan orta basqarmasynyń mamandary osy mekenjaıdaǵy aýmaqty tekserý kezinde 63 jemis aǵashyn kesý faktisin anyqtady. Kesý ruqsat qujattarynsyz júrgizilgen. Sondyqtan tıisti tekserý aktisi jasaldy.
Zańsyz áreketterden keltirilgen zalal 1060 AEK (3 657 000 tg) mólsherinde anyqtaldy. Budan basqa, kinálilerdiń ótem aǵashtar otyrǵyzýlary tıis ekendigi de qarastyrylǵan. Demek, ótemdik aǵash otyrǵyzý kólemi Almaty qalasynyń jasyl jelekterin kútip-ustaý jáne qorǵaý Erejelerine sáıkes 3150 aǵashty quraıdy ári olardyń bıiktigi keminde 2,5 metr.
Osy fakt boıynsha qoldanystaǵy zańnama aıasynda odan ári qaraı tıisti sharalar qabyldaý úshin Almaty qalasynyń polısıa departamentine jáne Almaty qalasynyń mamandandyrylǵan tabıǵat qorǵaý prokýratýrasyna hat joldandy.
Almaty qalasynyń ekologıa jáne qorshaǵan orta basqarmasy