Sary maı, irimshik, súzbe, ashytylǵan sút taǵamdary aldyńǵy jylǵa qaraǵanda az shyǵarylǵan.
Aýyl sharýashylyǵy mınıstri Erbol Qarashókeev bul máseleni shıkizat óndirisiniń nashar damýymen baılanystyrdy. Mınıstr óńirlerde iri taýarlyq-sút fermalarynyń qurylysy jeńildikpen qarjylandyryla bastaǵanyn aıtty, dep habarlaıdy Almaty-akshamy.kz 24.kz-ke silteme jasap.
Bıyl osyndaı 65 ferma ashý úshin 100 mlrd teńge qarastyrylǵan. Onda jylyna 373 myń tonna sút óndirilmek. Nátıjesinde otandyq sút zaýyttary sapaly shıkizatpen qamtylyp, ımportqa táýeldilik azaıady. Sondaı-aq, Aýyl sharýashylyǵy mınıstri keler jyly taǵy 50 taýarly-sút fermasyn salý úshin 113 mlrd teńge qarajat qajet etiletinin jetkizdi. Jalpy, byltyr elde 2,9 trln teńgeniń azyq-túlik ónimi óndirilgen. Ósimdik maıy, un, makaron, shujyq ónimderi men qant óndirisiniń kólemi artqan.
«Qazaqstanda negizi 6 taýar jóninde óz-ózimizdi qamtamasyz ete almaı jatyrq. táýelsizdigimiz joq onyń ishinde qus eti, sút ónimderi , balyq ónimderi bar, sonyń bárine bizde naqty josparlarymyz bar ózimizde. aldaǵy 3-4 jyldyń ishinde osy taýarlar boıynsha óz-ózimizdi qamtamasyz etýge josparymyz bar», - dedi QR Aýyl sharýashylyǵy mınıstri Erbol Qarashókeev.