2020 jyldan bastap elimizdegi elektrondyq saýda kólemi bes esege ulǵaıǵan.
Qazaqstandyqtar onlaın-satyp alýǵa 3,2 trln teńge jumsady, dep habarlaıdy aqshamnews.kz
Qazaqstandyqtar onlaın-satyp alýǵa kóbirek aqsha jumsaı bastady. 2024 jyldyń 11 aıynyń qorytyndysy boıynsha azamattar 3,2 trln teńge jumsady. Mundaı derekterdi elektrondyq saýdany damytý máselesi qaralǵan Úkimet otyrysynda saýda jáne ıntegrasıa mınıstri Arman Shaqqalıev keltirdi.
Atap aıtqanda, vedomstvo basshysy 2020 jyldan bastap elimizdegi elektrondyq saýda kólemi bes esege ulǵaıǵanyn habarlady. Alaıda, bul áli de álemdik ortasha deńgeıden tómen. Dese de, jastar sanynyń kóptigin, fıntehtiń damýyn, ınternettiń qoljetimdiligin jáne qolma-qol aqshasyz esep aıyrysýdyń keń taralýyn eskere kelgende, Qazaqstanda ınternet-saýdany damytýdyń joǵary áleýeti bar.
2029 jylǵa qaraı elektrondyq saýda kórsetkishin úsh esege ulǵaıtý jáne ony 9,3 trln teńgege deıin jetkizý josparlanyp otyr. Bul salany ilgeriletý úshin Úkimet onlaın-kommersıany damytý josparyn qabyldady. Ol elektrondyq saýda máseleleri boıynsha zańnamany jetildirýdi, elimizdiń barlyq óńirlerinde elektrondyq saýdany oqytý kýrstaryn iske qosýdy, kásipkerler úshin elektrondyq saýdada memlekettik qoldaýdyń qarjylyq sharalaryn engizýdi kózdeıdi.