Sáýirden beri birinshi ret azaıǵan.
Qyrkúıekte nesıe berý kólemi tamyz aıymen salystyrǵanda 11 paıyzǵa azaıyp, 1,2 trln teńge boldy, dep habarlaıdy Almaty-akshamy.kz
Birinshi nesıe búrosynyń máimetinshe, berilgen nesıeler sany sáýirden beri birinshi ret qysqardy. Dálirek tamyz aıymen salystyrǵanda 9,5% azaıyp, 3,8 mln teńge boldy. Munymen qatar qaryz alýshylar sany sáýir aıynan beri 2,28 mln adamǵa deıin qysqardy.
"Tamyz aıynda 860 mlrd teńge, al qyrkúıekte 741 mlrd teńge kóleminde kepilsiz tutynýshylyq nesıe berildi. Osylaısha jańa nesıelerdiń, qaryz alýshylardyń sany jáne ortasha soma azaıdy. Sondaı-aq avtonesıe tamyzdaǵy 156 mlrd teńgemen salystyrǵanda qyrkúıekte 144 mlrd teńgege deıin tómendedi", delingen habarlamada.
Tamyzda zańdy tulǵalarǵa jańadan 1,6 trln teńge, qyrkúıekte 1,4 trln teńge berildi. Nesıe alýshylar sany da 53,8 myńnan 46 myńǵa azaıdy.
Zańdy tulǵalarǵa berilgen nesıelerdiń jalpy portfeli 1 qazandaǵy jaǵdaı boıynsha 24 trln teńgeni qurady.