Eńbek jáne halyqty áleýmettik qorǵaý mınıstri Svetlana Jaqypovanyń Qazaqstanda eń tómengi jalaqy deńgeıinde (2025 jyly – 85 myń teńge) 790 myń adam eńbek etetinin, taǵy 329 myń adamnyń aılyǵy osy deńgeıden de tómen ekenin málimdedi, dep habarlaıdy Aqshamnews.kz tilshisi. Bul týraly ol Májiliste aıtty.
Mınıstr naqty esepteýler mindetti aýdarymdarǵa, zeınetaqy, áleýmettik jáne medısınalyq tólemderge súıenip júrgiziletinin atap ótti. Sonymen birge Jaqypova keıbir azamattarǵa eń tómengi jalaqy "qaǵaz júzinde" rásimdelip, qalǵany "konvertpen" beriletin jaǵdaılar baryn aıtty. Osy táýekeldi qysqartý úshin Eńbek mınıstrligi zańnamaǵa ózgerister ázirlep jatyr.
Buǵan deıin "Amanat" partıasy 1,8 mln qazaqstandyq eń tómengi jalaqy alady degen derek taratqan.
"Eńbek mınıstrliginiń deregine sáıkes, tómen jalaqy alatyndar sanatyna 1 mıllıon 109 myń adam kiredi, olardyń 329 myńynyń aılyǵy 80 myń teńgeden de tómen", – dep naqtylady mınıstr.
Eske salaıyq, 85 myń teńge - eldegi resmı eń tómengi jalaqy. "2026–2028 jyldarǵa arnalǵan respýblıkalyq búdjet týraly" zań jobasynda jalaqy men zeınetaqy ósimi qarastyrylǵanymen, eń tómengi jalaqy kólemi ózgerissiz qalmaq.