Qasym-Jomart Toqaev Felıks Chısekedıdí Í dárejelí «Dostyq» ordenímen marapattady, dep habarlaıdy Aqshamnews.kz tílshísí Aqordaǵa sílteme jasap.
Prezıdent búgín ekí el jylnamasyndaǵy tarıhı kún ekenín atap óttí.
"Qazaqstan Respublıkasy men Kongo Demokratıyalyq Respublıkasy arasyndaǵy qarym-qatynastar tyń qarqyn aluda. Eń aldymen, Prezıdent Felıks Chısekedı myrzany Qazaqstanda alǵashqy memlekettík saparmen qarsy alu – bíz úshín úlken qūrmet. Kongo Demokratıyalyq Respublıkasy – Qazaqstannyń Afrıka qūrlyǵyndaǵy mańyzdy árí senímdí seríktesí. Ekí el arasyndaǵy baılanystar berík dostyq pen ózara qūrmetke negízdelgen. Qazaqstan Kongo Demokratıyalyq Respublıkasymen túrlí saladaǵy yntymaqtastyqty nyǵaıtuǵa múddelí. Yqpaldastyqty erekshe serpínmen tereńdetu úshín barlyq múmkíndík bar. Joǵary deńgeıdegí sayası nıetímíz – ortaq, sauda-ekonomıkalyq áleuetímíz – mol, mádenı-gumanıtarlyq saladaǵy maqsat-míndetterímíz bír. Búgíngí kelíssóz qorytyndylary – osynyń aıqyn dálelí. Bíz ózara qoldau men túsínístík ruhynda ekíjaqty qatynastardy jańa deńgeıge kóteruge uaǵdalastyq. Ekí eldíń múddesíne saı keletín mańyzdy kelísímderge qol jetkízdík. Halyqaralyq sahnadaǵy yqpaldastyqty odan árí nyǵaıtuǵa kelístík. Jahandyq qauípsízdík jáne tūraqtylyqty qamtamasyz etu ísínde kúsh-jígerímízdí jūmyldyruǵa nıet bíldírdík. Jalpy, Astana men Kınshasa arasyndaǵy san qyrly seríktestíktíń áleuetí mol, bolashaǵy zor dep aıtuǵa tolyq negíz bar", – dedí Memleket basshysy.
Qasym-Jomart Toqaev Felıks Chısekedıdíń osy ıgí íske qosyp otyrǵan tarıhı úlesíne joǵary baǵa berdí. Sondaı-aq ony halqynyń qoldauyna arqa súıep, elín alǵa bastaǵan naǵyz kóshbasshy dep bíletínín málímdedí.
"Kongo Demokratıyalyq Respublıkasy aıtarlyqtaı tabystarǵa qol jetkízíp, halyqaralyq sahnada bedelín nyǵaıtuda. Elíńízdíń ekonomıkasy ósíp kele jatyr. Sízdíń bastamańyzben túrlí salada tyń jobalar tabysty júzege asuda. Būl jetístík – Sízdíń arqańyz. Sízdíń basshylyǵyńyzben elíńíz būdan da bıík belesterdí baǵyndyra beretíníne kámíl senemín. Osy maqsat-mūrattarǵa jetu jolynda Qazaqstan elíńízdí qoldauǵa daıyn", – dedí Qasym-Jomart Toqaev.
Prezıdent Qazaqstan men Kongo Demokratıyalyq Respublıkasynyń yntymaǵyn arttyruǵa, elderímíz arasyndaǵy dostyqty bekemdeuge, halyqaralyq jáne aımaqtyq qauípsízdík pen tūraqtylyqty nyǵaıtuǵa eleulí úles qosqany úshín Felıks Chısekedıdí Í dárejelí «Dostyq» ordenímen marapattau turaly sheshím qabyldaǵanyn aıtty.
"Būl – qazaq elíníń Sízge degen erekshe qūrmetí jáne shynaıy rızashylyǵy, halqyńyzǵa kórsetken ystyq yqylasy. Síz Afrıka elderíníń joǵary basshylary arasyndaǵy osyndaı qūrmettí marapat alǵan tūńǵysh sayasatker boldyńyz", – dedí Prezıdent.Sondaı-aq, Kongo Demokratıyalyq Respublıkasynyń Prezıdentí marapatqa laıyq kórgení úshín Qasym-Jomart Toqaevqa alǵys aıtyp, jemístí yntymaqtastyq ayasyn keńeıtuge daıyn ekenín atap óttí
"Halyqtarymyz arasyndaǵy qarym-qatynasty nyǵaıtuǵa bar kúsh-jígerímdí salamyn. Óz elímníń, sondaı-aq tūtas Afrıka qūrlyǵynyń múddesíne saı keletín yqpaldastyqtyń jańa baǵyttaryn ízdep, ony odan árí damytuǵa ūmtylamyz. Ortalyq Azıya óńírí ázírge Afrıkaǵa asa tanys emes. Sondyqtan búgíngí jáne bolashaqtaǵy yntymaqtastyǵymyz qos qūrlyq arasyndaǵy baılanystar tarıhynda mańyzdy kezeń bolatynyna senímdímín", – dedí