Qazaqstandyq komýnaldyq kásiporyndardaǵy tehnıkalardyń birazy eskirgen.
Tarıfterdi kóterýden túsken aqsha ınjenerlik ınfraqurylymdy qalpyna keltirýge jumsalady, dep habarlaıdy Almaty-akshamy.kz
Strategıalyq taýarlar baǵasynyń ósýi men elektr qýatynyń qymbattaýy Qazaqstanda komýnaldyq qyzmet tarıfteriniń ósýine áser etetin negizgi faktorlardyń biri.
Energyprom.kz basylymynyń jazýynsha, "Tarıfi ınvestısıaǵa aıyrbastaý" baǵdarlamasyn iske asyrý aıasynda 2023 jyldyń ekinshi toqsanynda Qazaqstan Respýblıkasynyń Ulttyq ekonomıka mınıstrligi tarıfterdi kóterýge 212 ótinimdi maquldady. Bul ótinimderdi komýnaldyq kásiporyndar – tabıǵı monopolıalar sýbektileri bergen.
Sarapshylardyń pikirinshe, Qazaqstandaǵy tarıfterdiń ósýine áser etken negizgi faktorlar:
elektr energıasy baǵasynyń ósýi (+27%);
taýar gazdyń kóterme baǵasynyń ósýi (+12%);
komýnaldyq kásiporyndar qyzmetkerleriniń jalaqysyn arttyrý;
strategıalyq taýarlardyń qunyn kóterý – kómir, mazýt jáne t.b.
Tarıfterdi kóterýden túsken aqsha ınjenerlik ınfraqurylymdy qalpyna keltirýge jumsalady. Qazaqstandyq komýnaldyq kásiporyndardaǵy tehnıkalardyń birazy eskirgen.
"Qazaqstannyń komýnaldyq ınfraqurylymy jańǵyrtýdy jáne jóndeýdi qajet etedi, salaǵa sapaly kadrlardy tartý úshin qyzmetkerlerdiń jalaqysyn kóterý kerek, qaraýsyz qalǵan jelilerdi retke keltiretin ýaqyt keldi. Osy sharalardyń barlyǵy qazaqstandyqtardy komýnaldyq salada sapaly qyzmet kórsetý úshin qajet. Sondyqtan da elimizde "Tarıfi ınvestısıaǵa aıyrbastaý" baǵdarlamasy qolǵa alyndy", – dep málimdedi Energyprom.kz.