Oral qalasynda aqbóken etinen shujyq shyǵaratyn shaǵyn óndiris iske qosyldy, dep habarlaıdy aqshamnews.kz
mgorod.kz málimetinshe, eksperımenttik shujyq óndirisin Batys Qazaqstan agrarlyq-tehnıkalyq ýnıversıtetiniń jas ǵalymdary qolǵa aldy. Aqbóken etinen daıyndalatyn shujyqqa 30% qus eti qosylady.
Ǵalymdar tehnologıany jetildirý jáne daıyn ónimniń sapasyn tekserý jumystaryn jalǵastyryp jatyr. Ásirese termınaldyq óńdeýdiń durystyǵyna jáne shujyqtyń adam densaýlyǵyna zıan keltirmeýine erekshe nazar aýdarylýda.
Ýnıversıtet oqytýshysy Aıdana Bekbýsınova resept ázirleý aspektilerin zerttegen. Ol mundaı shujyqtyń basty ereksheligin atap ótti.
– Farshqa dástúrli dámdeýishter: tuz, burysh, sarymsaq qosylady. Zertteý barysynda aqbóken etiniń óte shyryndy ekenin baıqadyq. Daıyn ónim tońazytqyshta eki aptaǵa deıin saqtala alady, – deıdi magıstr Aıdana Bekbýsınova.
Qazaqstanda kıikterdi atý máselesi áli qyzý talqylanyp jatyr. Ekologıa jáne tabıǵı resýrstar mınıstri Erlan Nysanbaev kıikterdi tabıǵı ortadan qansha mólsherde alyp tastaý josparlanyp otyrǵanyn aıtty. Mınıstrdiń sózinshe, elde 800 myń bas kıikti atý usynylǵan.