Olardyń basym bóligi Almaty men Shymkentte jáne Túrkistan oblysynda.
Qazaqstandyqtardyń turmysy tómendep barady, dep habarlaıdy Almaty-akshamy.kz Finprom.kz-ke silteme jasap.
Byltyrǵy úshinshi toqsannyń qorytyndysy boıynsha, tabysy eń tómengi kúnkóris deńgeıinen tómen úılerdiń sany bir jylda 4,5%-ǵa ósip, 180,9 myńǵa jetti. Munda adam sany 1 mln. Bul 2021 jylmen salystyrǵanda 2,9%-ǵa kóp. Bir jyl burynǵy osy ýaqytta elde tabysy tómen 173,2 myń úı (bir jylda 7,5% azaıǵan) bolǵan.
2022 jylǵy úshinshi toqsannyń qorytyndysy boıynsha elimizdegi 3,6 myń úıdiń (bir jylda 62,7%-ǵa azaıǵan) tabysy azyq-túlik sebeti qunynan tómen boldy. Ol úılerde 24,8 myń adam tbar. Bul – bir jyl burynǵy kórsetkishten 2,2 ese az.
Tabysy eń tómengi kúnkóris deńgeıinen tómen úılerdiń eń kóbi Túrkistan oblysynda ornalasqan: jalpy sany 25,4 myń úı, ıaǵnı bir jylda 1%-ǵa azaıǵan. Sondaı-aq kedeılik sheginen tómen turatyn halyq sany da osy óńirde: 191,1 myń adam.
Túrkistan oblysynan keıin eń nashar kórsetkishter Almaty qalasy (15,9 myń úı, bir jylda 3,1%-ǵa azaıdy), Shymkent qalasy (14,6 myń úı, 26%-ǵa kóbeıdi), Mańǵystaý (12,9 myń úı, 21,3% kóbeıdi) jáne Aqmola (12,6 myń úı, 28,7% artty) oblystarynda tirkelgen.
2022 jylǵy úshinshi toqsanda jan basyna shaqqandaǵy ortasha kúnkóristiń eń tómengi deńgeıi 46,7 myń teńge boldy. Bul – bir jyl burynǵy kórsetkishten 26,9%-ǵa artyq. Bul rette tutynýǵa jumsalǵan tabys – 80,2 myń teńge, kórsetkish bir jylda 14,3%-ǵa ósti.