Jańa zaýyt Qazaqstan eksportyn ulǵaıtýǵa eleýli úles qosady
QR Premer-Mınıstri Álıhan Smaıylovtyń tóraǵalyǵymen ótken keńeste taý-ken metalýrgıa keshenin damytýdyń ózekti máseleleri qaraldy, dep habarlaıdy Almaty-akshamy.kz.
Atap aıtqanda, Shyǵys Qazaqstan oblysynda qýattylyǵy jylyna 300 myń tonna katodty mys balqytý zaýytyn salý josparlary talqylandy. Jobany iske asyrý Qazaqstanǵa eleýli sheteldik ınvestısıalar men jańa tehnologıalardy tartýǵa, sondaı-aq myńnan astam turaqty jumys oryndaryn qurýǵa múmkindik beredi. Jańa zaýyt Qazaqstan eksportyn ulǵaıtýǵa eleýli úles qosady.
Keńeske qatysýshylar salyq salý, elektrmen jabdyqtaý, ınvestorlardyń quqyqtaryn qorǵaý, sheteldik jumys kúshin tartý, jalpy respýblıka zańnamasynyń ekologıalyq talaptary men normalaryn saqtaý máselelerin qozǵady.
Premer-Mınıstr talqylaý qorytyndysy boıynsha ýákiletti memlekettik organdarǵa osy perspektıvti jobany tabysty iske asyrý maqsatynda ınvestorlarmen belsendi ózara is-qımyldy qamtamasyz etýdi tapsyrdy.