Jolaýshylar men týrıser úshin 300-ge jýyq ájethana jetkiliksiz.
Bul týraly «Kazakh Tourism» AQ basqarma tóraǵasynyń orynbasary Qaırat Sádýaqasov málim etti, dep habarlaıdy Almaty-akshamy.kzQazAqparatqa silteme jasap.
«Biz 2018 jyly ájethanalar boıynsha tekserý júrgizip, 500 ájethana jetispeıtinin anyqtadyq. Sodan beri janarmaı quıý beketterinde jáne kólder jaǵasynda 200 ájethana salyndy. Sonymen qatar ájethanalardy kútip ustaýǵa sýbsıdıa berý engizildi. Búginde taǵy 300 salý kerek. Bul –birlesken jumys, sebebi «Kazakh Tourism» ózdiginen ájethanalar salýǵa quqyǵy joq. Bizdiń mindet – ájethanany qaıda salý keregin kórsetý jáne jergilikti atqarýshy organdar men bızneske kómektesý. Biz –problemalardy anyqtaýshy organbyz. Jalpy týrızmge 30-dan astam salanyń qatysy bar», - dedi Qaırat Sádýaqasov.
Sondaı-aq spıker «Kazakh Tourism» ulttyq kompanıasynyń jumysyna qatysty syn aıtylatynyn jetkizdi.
«Týrbıznesti qorǵaý kerek, biz Úkimetke týrızm salasynyń únin jetkizýshimiz. Onyń ishinde ájethana máselesi de bar. Ákimdikter óńirdiń týrısik áleýeti bar ma degen máseleni sheship alýy kerek. Biz ákimdikterge óńirdegi negizgi týrısik marshrýttar, jol boıyndaǵy dárethanalar máselesi jáne olardyń qansha kólemde jetispeıtini týraly aqparat berdik. Búginde eldegi janarmaı quıý beketteriniń 75%-y jol boıyndaǵy qyzmet boıynsha ulttyq standarttarǵa sáıkes keledi. Bul jaǵdaıdy «QazAvtoJol» kompanıasy qadaǵalaıdy. Bul baǵytta birneshe jyl boıy birlesip jumys istep kelemiz», - deıdi spıker.