Sý tasqynyna qarsy jumystar jalǵasýda, dep habarlaıdy Almaty-akshamy.kz QR TJM resmı saıtyna silteme jasap.
Jumyldyrylǵan kúshter men quraldar Aqtóbe, Aqmola, Qostanaı oblystaryndaǵy 145 jeke turǵyn úıden, sondaı-aq Aqtóbe, Atyraý oblystaryndaǵy 46 aýla aýmaǵynan sý sorý jumystary júrgizýde.
Túrkistan, Aqtóbe, Qostanaı, Batys Qazaqstan oblystarynyń sý basqan eldi mekenderinen 412 adam evakýasıalandy, onyń ishinde 134 bala. Onyń 323-i Aqtóbe, Qostanaı jáne Batys Qazaqstan oblystarynyń eldi mekenderiniń turǵyndary ýaqytsha ornalastyrý pýnktterinde qalady, 80-i Aqtóbe jáne Qostanaı oblystarynyń turǵyndary týystarynda, 9-y Túrkistan oblysynyń turǵyndary úılerine oraldy.
TJM jáne ákimdikterdiń kúshimen 122 myńnan astam tekshe metr erigen sý soryldy, 24 myńnan astam qap jáne 47 670 tonna ınertti materıal tóseldi.
Avarıalyq-qutqarý jumystaryna TJM, jergilikti atqarýshy organdardyń, İİM, tartylǵan uıymdardyń kúshteri men quraldary: jeke quramynan 3000-nan astam adam, 1200-ge jýyq birlik tehnıka, 400-ge jýyq birlik sý aıdaý jáne júzý quraly, 2 áýe kemesi jumyldyryldy.
Respýblıkalyq jáne oblystyq jedel shtabtar, sondaı-aq «Jedel jeli» telefondary jumysyn jalǵastyrýda: TJM 8 717 2 70 41 14, Aqtóbe oblysy TJD 8 713 2 54 86 57, Batys Qazaqstan oblysy TJD 8 711 2 55 40 88, Qostanaı oblysy TJD 8 714 2 50 19 60, Aqmola oblysy TJD 8 716 2 52 55 14. Ótken táýlikte 134 qońyraý tústi.
Sý tasqynyna qarsy jumystar jalǵasýda.