Senatta ortasha jas mólsherin 35-ke deıin uzartý usynysyn zań negizinde qaraý usynyldy
Senat depýtaty Dana Nurjigit Memleket basshysynyń eldegi ortasha jas mólsherin 29-dan 35-ke deıin uzartý týraly aıtqan usynysyn zań negizinde qarastyrýdy usyndy, dep habarlaıdy Almaty-akshamy.kz Elorda.info-ǵa silteme jasap
Onyń oıynsha, bul ózgeriske qazaqstandyq jastardyń nekege turý jasy men oqý jáne biliktilikti arttyrý jasynyń ulǵaıýy sebep bolyp otyr.
«Osy oraıda, «Qazaqstan Respýblıkasyndaǵy saılaý týraly» Konstıtýsıalyq zańǵa túzetýler engiziledi. Onda Májiliste tirkegen kezde partıalyq tizimde úsh sanat ókilderiniń: áıelderdiń, jıyrma toǵyz jasqa tolmaǵan adamdardyń, múgedektigi bar adamdardyń sany oǵan engizilgen adamdardyń jalpy sanynyń keminde otyz paıyzyn quraýy tıis. Atalǵan zańǵa sáıkes, jastardyń jasyn 29-dan 35-ke deıin uzartý qarastyryldy ma?»− degen saýal joldady.
Ádilet vıse-mınıstri Almat Madalıevtyń aıtýynsha, jastarǵa qatysty qoǵamdyq qatynastar «Jastar saıasaty» týraly zańmen retteledi. Bul zańǵa sáıkes, jastar sanatynda 14-tan 29-qa deıingi aralyq qamtylǵan. Eger osy zań aıasynda jasty kóterý máselesi qarastyrylatyn bolsa, onda saılaýǵa túsýge nıetti jastardyń jasyn arttyrý máselesi qarastyrylady.