Oljas Bektenov jas mamandardy ǵylymǵa tartý úshin ýnıversıtetterdegi ǵylymı zertteýlerdi belsendi damytýdy tapsyrdy
Ǵylymdy damytý jáne sıfrlandyrý máseleleri qaralǵan Úkimet otyrysynda atalǵan salany damytý jónindegi dáıekti jumystyń nátıjeleri atap ótildi, dep habarlaıdy aqshamnews.kz.
Ǵylymı, ǵylymı-tehnıkalyq jáne ınovasıalyq qyzmetti salaaralyq úılestirý maqsatynda 2024 jyly «Ǵylym jáne tehnologıalyq saıasat týraly» jańa Zań qabyldandy. Sonymen qatar bıznestiń ǵylymǵa ınvestısıa salýyn yntalandyrý úshin 2025 jyldyń 1 qańtarynan bastap salyq jeńildikteri engizildi.
Ǵalymdardy áleýmettik qoldaý baǵytyna erekshe kóńil bólinip keledi. Premer-mınıstr jas mamandardy ǵylymı ortaǵa tartýdyń mańyzdylyǵyn atap ótti.
«Ǵylymnyń basym baǵyttary boıynsha irgeli zertteýlermen aınalysatyn ǵalymdar tikeleı qarjylandyrýǵa ıe boldy. Jyl saıyn 250-den astam jas ǵalym álemniń jetekshi ǵylymı ortalyqtarynda taǵylymdamadan ótedi.Doktorantýra baǵdarlamalary boıynsha oqýǵa múmkindik beretin bilim berý granttarynyń sany artyp keledi. Jastardyń ǵylymdaǵy úlesi aıtarlyqtaı ósip, búginde ol 46%-dy qurap otyr. Jastardy odan ári ǵylymǵa tartý úshin ýnıversıtetterdegi ǵylymı zertteýlerdi belsendi damytý qajet»,
— dep atap ótti Oljas Bektenov.