Osynyń saldarynan qazaqstandyqtardyń kóbi kesh úılenetin bolǵan.
Jas otbasylardyń arasynda 21,6% erler, 16,6% áıelder 35 jastan asqan, ıaǵnı olar jas jubaılar retinde sanalmaıdy, dep habarlaıdy Almaty-akshamy.kz Energyprom.kz-ke silteme jasap.
Bıyl birinshi jartyjyldyqta elimizde 53 700 neke qıylǵan, byltyr osy ýaqytta 55 100 bolǵan.
Jas otbasylardyń arasynda 21,6 paıyzy erler, 16,6 paıyzy áıelder 35 jastan asqan, ıaǵnı olar jas jubaılar retinde sanalmaıdy. Qazaqstanda 14–35 jas aralyǵyndaǵy azamattar ǵana jastar sanatyna jatady.
2022 jyldyń qorytyndysy boıynsha, er adamdar úshin Qazaqstanda alǵashqy nekege turýdyń ortasha jasy 28 jyl boldy, al on jyl buryn 26,9 ǵana bolǵan. Áıelder úshin bul kórsetkish sońǵy on jyldyqta 24,4 jastan 25,2 jasqa deıin ósti.
Qazaqstandyqtardyń kóbi kesh úılenedi. 2022 jyldyń qorytyndysy boıynsha, qazaqstandyqtar úshin týý kezindegi ómir súrý uzaqtyǵy 74,4 jasty qurady. Al jıyrma jyl burynǵy kórsetkish – 66 jas. Qazaqstandyqtardyń ómir súrý uzaqtyǵy 2000 jyldyń basyna qaraǵanda edáýir uzardy. Sondyqtan otbasyn kesh qurý – uzaq ómir súrý sıaqty qalypty jaǵdaı.