2023 jyldyń 4-12 naýryzy aralyǵynda Shýche qalasyndaǵy Ulttyq shańǵy ortalyǵynda bıatlonnan jasóspirimder arasyndaǵy álem chempıonaty ótedi,
Jahannyń eń myqty jas bıatlonshylary bes túrli saıysta jalpy 18 jarystyń júldesin sarapqa salady. Chempıonatqa álemniń 50 memleketinen 800-ge jýyq sportshy qatysady dep kútilip otyr, dep habarlaıdy Almaty-akshamy.kz.
«Mundaı aýqymdy sporttyq is-shara Qazaqstanda tuńǵysh ret uıymdastyrylýda. 2018 jyly Shýchınsk qalasynda Ulttyq shańǵy ortalyǵy ashylyp, Halyqaralyq Bıatlonshylar odaǵynyń sertıfıkattaýynan ótti. İri halyqaralyq jarystardy ótkizýge arnalǵan «A» sanatyndaǵy lısenzıaǵa ıe boldy. Bıyl stadıonda Ashyq Azıa Chempıonatyn ótkizgennen keıin biz Ortalyqtyń ózge de iri jarystarǵa daıyndyǵyn pysyqtap aldyq. Jetkinshekter men jasóspirimder arasyndaǵy Chempıonatty ótkizý – Qazaqstannyń bıatlon tarıhyndaǵy aıshyqty oqıǵa. Atalǵan is-shara nátıjesinde balalar men jasóspirimder arasyndaǵy sportta serpin paıda bolatynyna senimdimiz», deıdi Qazaqstan Bıatlonshylar Odaǵynyń Prezıdenti Ermek Qızatov.
Qazaqstan jasóspirimder quramasynyń negizgi quramy jeltoqsan aıynda Shýchınsk qalasynda ótetin Qazaqstan Kýbogynyń nátıjeleri boıynsha belgili bolady.