Qasym-Jomart Toqaev Muhamed Malıkı bın Osmanmen kezdesti.
Prezıdent Qasym-Jomart Toqaev Sıngapýr Premer-Mınıstri keńsesiniń mınıstri Muhamed Malıkı bın Osmanmen kezdesti, dep habarlaıdy Almaty-akshamy.kz Aqordanyń baspasóz qyzmetine silteme jasap.
Memleket basshysy Sıngapýrdyń Azıadaǵy ózara is-qımyl jáne senim sharalary jónindegi keńestiń VI samıtine qatysýy AÓSSHK úderisiniń damýyna eleýli úles qosatynyn atap ótti.
Qasym-Jomart Toqaev Qazaqstannyń ASEAN-daǵy mańyzdy seriktesi – dostas Sıngapýrmen tyǵyz yntymaqtastyqty joǵary baǵalaıtynyn jetkizdi.
Kezdesý barysynda ekijaqty saýda-ekonomıkalyq jáne ınvestısıalyq baılanystardyń artqany atap ótildi.
Óz kezeginde Muhamed Malıkı bın Osman Qasym-Jomart Toqaevqa Premer-mınıstr Lı Sán Lýnnyń izgi tilegin jetkizdi. Sıngapýr delegasıasynyń basshysy óz eliniń Qazaqstanmen ózara is-áreketti odan ári nyǵaıtýǵa nıetti ekenin aıtty.
Kezdesý sońynda Sıngapýr mınıstri Memleket basshysyna Prezıdent Halıma Iakobtyń Sıngapýrǵa memlekettik saparmen kelýge shaqyrýyn taǵy da rastady.