Qazaqstandyq komanda 15 oqýshydan turady
Qazaqstan Halyqaralyq Mendeleev olımpıadasyn qabyldaıdy, dep habarlaıdy Almaty-akshamy.kz.
Oqý-aǵartý birinshi vıse-mınıstri Sholpan Karınova áleýmettik jelidegi paraqshasynda olımpıada jaıly jazdy.
Onyń aıtýynsha, hımıa páninen oqýshylardyń 57-shi Halyqaralyq Mendeleev olımpıadasyna daıyndyq máseleleri boıynsha jınalys ótken.
Jınalysqa Oqý-aǵartý, Syrtqy ister, İshki ister, Densaýlyq saqtaý mınıstrlikteriniń ókilderi, Evrohım grýp, Nazarbaev ýnıversıteti, Bıznes-protokol sheshimderi Agenstvosy mamandary jáne Astana qalasy Bilim basqarmasy men mınıstrlikke baǵynysty ortalyqtar ókilderi qatysty. Jumys otyrysy barysynda uıymdastyrýshylyq máseleleri, olımpıada týrlaryna daıyndyq jáne t.b. suraqtar talqylandy.
Aıta ketsek, hımıa páninen oqýshylardyń 57-shi Halyqaralyq Mendeleev olımpıadasy aǵymdaǵy jyldyń 30 sáýir men 7 mamyr aralyǵynda Astana qalasynda Nazarbaev Ýnıversıteti bazasynda 20 asa qatysýshy-memlekettermen ótkiziledi. Qazaqstandyq komanda 15 oqýshydan turady.